رانچی، 21 اگست (یواین آئی)جھارکھنڈ کے سابق وزیر اعلی چمپائی سورین کی اسکارٹ گاڑی کو نامعلوم گاڑی نے ٹکر مار دی جس کی وجہ سے اسکارٹ گاڑی کے ڈرائیور کی موقع پر ہی موت ہو گئی اس حادثے میں پانچ دیگر جوان زخمی ہوگئے متوفی کی شناخت کانسٹیبل ونے کمار کے طور پر کی گئی ہے یہ حادثہ رات دیر گئے اس وقت پیش آیا جب ایسکارٹ گاڑی میں سوار جوان ریاست کے وزیر چمپائی سورین کو جلنگ گوڈا میں واقع ان کی رہائش گاہ سے اتار کر پولیس لائن واپس آ رہے تھے۔ دریں اثنا، سرائیکیلا-کنڑا مین روڈ پر موڈیا گاؤں کے قریب ایسکارٹ گاڑی ایک اور نامعلوم گاڑی سے ٹکرا گئی۔ اس حادثے میں مغربی سنگھ بھوم ضلع کے کھٹپانی بلاک کے بھویا گاؤں کے رہنے والے ونے سنگھ کی موت ہوگئی۔
حادثے میں زخمی ہونے والے تمام افراد کو اسپتال میں داخل کرایا گیا ہے۔ لاش پوسٹ مارٹم کے لیے صدر اسپتال بھیج دی گئی ہے۔
