ہیروئن جیسی مادہ برآمد،ایک منشیات فروش گرفتار،معاملہ درج اورمزید تحقیقات جاری ہے
لازوال ڈیسک
ریاسیمنشیات کے استعمال کے خلاف جاری مہم میں، آپریشن جیون دھان کے تحت، ڈسٹرکٹ پولیس ریاسی نے منشیات کی غیر قانونی سرگرمیوں کو روکنے کے لیے اپنی کوششیں تیز کر دی ہیں۔اسی اثناءمیں ریاسی وجے پور روڈ پر ایک سرپرائز ناکے کے دوران پولیس اسٹیشن ریاسی کی ایک ٹیم نے ایک گاڑی کو روکا۔وہیں گاڑی کی تلاشی لینے پر ڈیش بورڈ میں چھپائی گئی 4.46 گرام ہیروئن نما مادہ برآمد ہوئی۔
اس سلسلے میں ایف آئی آر نمبر 128/2024پولیس اسٹیشن ریاسی میں درج کیا گیا ہے اور منشیات کے نیٹ ورک کے اندر مزید کنکشنوں کا پردہ فاش کرنے کی تحقیقات جاری ہے۔ واضح رہے اس پورے آپریشن کی قیادت ایس ایچ او ریاسی نے ڈی وائی ایس پی ہیڈکوارٹرس ریاسی کی نگرانی میں کی۔
اس سلسلے میں ایس ایس پی ریاسی موہیتا شرما نے آپریشن کی تفصیلات بتاتے ہوئے کہا کہ ریاسی پولیس منشیات کے استعمال کے مسئلے سے نمٹنے کے لیے کثیر الجہتی حکمت عملی اپنا رہی ہے۔ انہوں نے کہاکہ اس سلسلے میں ضلع بھر میں بیداری پروگراموں کا انعقاد اور این ڈی پی ایس ایکٹ کے تحت منشیات فروشوں کی باقاعدہ بکنگ شامل ہے۔انہوں نے مزیدکہاکہ ریاسی پولیس نے عوام کی مدد کے لیے ایک اینٹی ڈرگ ہیلپ لائن (9070907017) شروع کی ہے، اس یقین دہانی کے ساتھ کہ کالر کی شناخت خفیہ رہے گی۔
ایس ایس پی ریاسی نے منشیات فروشوں کو ایک سخت پیغام دیا، اس بات پر زور دیتے ہوئے کہ ریاسی میں ان کے لیے کوئی جگہ نہیں ہے۔ انہوں نے ان پر زور دیا کہ وہ اپنی نقصان دہ سرگرمیاں ترک کر دیں اور مرکزی دھارے میں دوبارہ شامل ہو جائیں، اور خبردار کیا کہ ایسا کرنے میں ناکامی کے سنگین قانونی نتائج برآمد ہوں گے۔
