یواین آئی
جموں؍؍سری نگر جموں شاہراہ پرسیری رام بن کے مقام پر جمعرات کے روز سڑک حادثہ پیش آیا جس کے نتیجے میں 8افراد زخمی ہوئے۔اطلاعات کے مطابق سری نگر جموں شاہراہ پر سیری رام بن کے مقام پر جمعرات کے روز این آئی ٹی سری نگر کی ایک گاڑی زیر نمبر JK21B-0597ڈرائیور کے قابو سے باہر ہو کر سڑک پر الٹ گئی جس کے نتیجے میں اس میں سوار 8طالب علم زخمی ہوئے۔معلوم ہوا ہے کہ آس پاس موجود لوگوں نے گاڑی میں پھنسے ہوئے طلاب کو باہر نکال کر ہسپتال منتقل کیا جہاں پر سبھی کی حالت مستحکم بتائی جارہی ہے۔معلوم ہوا ہے کہ این آئی ٹی سری نگر میں زیر تعلیم طالب علم امتحان ختم ہو نے کے بعد گھر کی طرف جارہے تھے کہ سیری رام بن کے مقام پر گاڑی کو حادثہ پیش آیا۔این جی او بانہال کے ایک عہدیدار نے یو این آئی اردو کو بتایا کہ سیری رام بن کے مقام پر این آئی ٹی کی گاڑی کو حادثہ پیش آیا جس وجہ سے گاڑی میں سوار 8سٹوڈنٹ زخمی ہوئے۔انہوں نے بتایا کہ زخمیوں کو طبی امداد کی خاطر ضلع ہسپتال رام بن پہنچایا گیا جہاں پر ابتدائی مرہم پٹی کے بعد انہیں رخصت کیا گیا ہے۔دریں اثنا پولیس نے معاملے کی نسبت کیس درج کرکے مزید تحقیقات شروع کی۔
