لازوال ڈیسک
جموں؍؍ ہندوستانی فوج نے ضلع رامبن (جے اینڈ کے) کے گورنمنٹ ہائر سیکنڈری اسکول، راج گڑھ میں "ہندوستانی فوج میں کیسے شامل ہوں” پر ایک تحریکی لیکچر کا اہتمام کیا۔ اس لیکچر کا مقصد ہندوستانی فوج میں روزگار کے مواقع کے حوالے سے نوجوانوں میں بیداری پھیلانا تھا۔ لیکچر کے دوران خواہشمندوں کو فوج میں داخلے کے لیے مختلف انٹری اسکیموں کے بارے میں بتایا گیا، جن میں اہلیت، تحریری امتحان، انٹرویو اور ادائیگی شامل ہے۔ لیکچر میں طلباء اور نوجوانوں کی بڑی تعداد نے شرکت کی۔ اس لیکچر کا اہتمام مقامی اسکولوں کے طلباء اور نوجوانوں کے عوامی مطالبے کے بعد کیا گیا تھا۔ ہندوستانی فوج دور دراز علاقوں کے نوجوانوں کو سرکاری اور غیر سرکاری اداروں میں دستیاب مختلف مواقع کے بارے میں آگاہ کرنے کے لیے اسی طرح کے مزید تعلیمی لیکچرز کا انعقاد کرنے کا منصوبہ بنا رہی ہے۔ نوجوانوں کی جانب سے اس طرح کی معلوماتی تقریب کے انعقاد پر اس اقدام کو بے حد سراہا گیا۔
