یواین آئی
نئی دہلی؍؍ پارلیمنٹ کے بجٹ اجلاس کے پہلے دن بدھ کو راجیہ سبھا کے تین نومنتخب اراکین نے رکنیت کا حلف لیا اور ایوان نے دو مرحوم سابق اراکین کو خراج عقیدت پیش کیا۔ایوان کی کارروائی کے آغاز پر چیرمین جگدیپ دھنکڑنے ستنام سنگھ سندھو ، دہلی سے عام آدمی پارٹی (آپ ) کینامزد رکن نارائن داس گپتا اور محترمہ سواتی مالیوال کو رکنیت کا حلف دلایا۔اس کے بعد چیئرمین نے ایوان کو دو سابق اراکین ہری شنکر بھابھاڈا اور محترمہ سوشری دیوی کے حالیہ دنوں میں انتقال کی اطلاع دی۔ اس کے بعد اراکین نے دو منٹ خاموشی اختیار کی اور جاں بحق ہونے والے اراکین کو خراج عقیدت پیش کیا۔ایوان کی جانب سیمسٹر دھنکڑ نے دو اراکین مسٹر سدانند شیٹ تناوڑے اور مسٹر ساکیت گوکھلے کو سالگرہ کی مبارکباد دی۔ اس کے بعد انہوں نے ایوان کی کارروائی کل تک ملتوی کر دی۔
