میونسپل کونسل راجوری کے چیئرمین محمد عارف کی نگرانی میں ریلی کی تیاریوں کو حتمی شکل دینے کے لیے میگا میٹنگ
شیراز چوہدری
راجوری؍؍ میونسپل کونسل راجوری کے چیئرمین محمد عارف کی نگرانی میں ڈاک بنگلہ راجوری کے کانفرنس حال میں 4اکتوبر کو ہونے والی وزیر داخلہ کی ریلی کی تیاریوں کو حتمی شکل دینے کے لیے ایک میگا میٹنگ کا اہتمام کیا میٹنگ میں وبود گپتا کو بطور مہمان خصوصی مدعو کیا گیا راجندر گپتاکونسلرز اور سول سوسائٹی کے اراکین کی کثیر تعداد بشمول نوجوان خواتین اور مرد موجود تھے اس موقع پر جن کونسلرز اور نمایاں شخصیات نے خطاب کیا ان میں پشویندر گپتا مشتاق احمد منہاس افتخار علی ڈار ممتا دت فہیم اختر یوگیش شرما کونسلر سنجے شرما ہردیو ورما سرپنچ حاجی محمد فاروق وجے کوچر نازک حسین شاہ شامل تھے اس موقعہ پر لازوال سے بات کرتے ہوئے محمد عارف نے بتایا کہ راجوری کی میونسپل کونسل ہر ٹاؤن وارڈ اور بہت سے گاؤں میں خصوصی نمائندے مقرر کرے گی تاکہ وہاں کے ہر گھر سے رابطہ کیا جا سکے اس سے اس بات کو یقینی بنایا جائے گا کہ ہر جگہ سے عوام تاریخی جلسے کے لیے باہر آئیں گے انہوں نے مزید کہا کہ وزیر داخلہ کے دوروں کے دوران اچھی طاقت کا مظاہرہ کرنا ہماری اولین ذمہ داری ہے بزرگ مرد و خواتین کونسل ممبران اور قریبی قصبے کے سرپنچوں نے تقریب سے خطاب کیا اور میونسپل کونسل کے چیئرمین کی کاوشوں کو سراہا وزرائے داخلہ کے اس بڑے اجتماع میں تمام شرکاء نے میونسپل چیئرمین کو اپنا کلام دیا کہ وہ بھرپور شرکت کریں گے۔
