یواین آئی
جموں؍؍جموں و کشمیر کے ضلع راجوری بدھل علاقے میں دو ہفتے قبل ہونے والے انکائونٹر میں زخمی ہونے والے ملی ٹنٹ کی لاش ریاسی سے بر آمد ہوئی ہے۔بتادیں کہ راجوری کے بدھل خواص علاقے میں 5 اگست کو ہونے والے انکائونٹر کے دوران ایک ملی ٹنٹ ہلاک جبکہ دوسرا زخمی ہوا تھا۔ایڈیشنل ڈائریکٹر آف پولیس جموں مکیش سنگھ نے ٹویٹ کرکے کہا: ‘راجوری کے خواص بدھل میں انکائونٹر کے دوران زخمی ہونے والے دوسرے دہشت گرد کی لاش ڈھکی کوٹ ریاسی سے بر آمد ہوئی’۔انہوں نے ٹویٹ میں مزید کہا: ‘مہلوک کی تحویل سے گرینیڈس، میگزین اور دوسرا مواد بر آمد کیا گیا’۔
