اودھم پور کے ساتھ سوتیلا سلوک روا رکھنے پرانتظامیہ کی مذمت
لازوال ڈیسک
اودھم پور؍؍ ضلع اودھم پور کے ترقیاتی امور پر غوروخوض کے لئے اپنی پارٹی ضلع اکائی کا ایک اجلاس ضلع نائب صدر جگدیو سنگھ کی قیادت میںپارٹی دفتر واقع دومیل میں منعقد ہوا۔ موصولہ پریس ریلیز کے مطابق پارٹی لیڈران نے ترقیاتی کاموں پر تفصیلی بحث وتمحیص کی اور دیہات اور قصبہ اودھم پور کے مضافاتی علاقہ جات میں ترقیاتی عمل کی سست روی پر تشویش کا اظہار کیاگیا۔سبھی شرکاء نے یک زباں ہوکر اودھم پور کے لوگوں کے ساتھ سوتیلا سلوک روا رکھنے پر ضلع انتظامیہ کی مذمت کی۔ انہوں نے کہاکہ اودھم پور میں سیوریج نظام اور صفائی ستھرائی کی خستہ حالت ہے۔ شہر کے اطراف واکناف میں جگہ جگہ کوڑا کرکٹ کے ڈھیر لگے ہیں، غیر اعلانیہ طویل بجلی کٹوتی، پینے کے صاف پانی کی قلت کا سامنا ہے جبکہ ڈسپنسریوں میں ادویات بھی دستیاب نہیں۔دریں اثناء پارٹی ضلع یوتھ صدر اجیت کمار شرما کی قیادت میں نوجوانوں نے پارٹی میں شمولیت اختیار کی۔انہوں نے الطاف بخاری کی قیادت پر مکمل اعتماد ظاہر کرتے ہوئے پارٹی کے پالیسی اور ایجنڈے کو زمینی سطح پر پہنچانے کے عزم کا اعادہ کیا۔اجلاس میںدوسروں کے علاوہ ضلع نائب صدر حاجی نور محمد، بھوپندر سنگھ ، ضلع کارڈی نیٹر اجیت کمار شرما ضلع یوتھ صدر،دھرم پال ضلع صدر او بی سی یونٹ، وجے کمار شرما،ضلع ٹریڈ یونین صدر، سنیئر لیڈر طالب حسین، پروین سنگھ نائب یوتھ صدر، دھیرج ینگ نائب صدر یوتھ، گیش دت ضلع جنرل سیکریٹری یوتھ، وجے شرما، سٹوڈنٹ یونین صدر اودھم پور ، کاکا سنگھ سابقہ سرپنچ مٹل وغیرہ نے شرکت کی۔
