دولہستی پاور اسٹیشن نے ہندی ای میگزین ’’راج بھاشا پلو‘‘ جاری کیا

میگزین کی اشاعت سے سرکاری زبان ہندی کے فروغ کو مزید تحریک ملے گی :شری ایم کے کشیپ
لازوال ڈیسک
کشتواڑ؍؍عالمی یوم ہندی کے موقع پر، دولہستی پاور اسٹیشن نے ہندی ای میگزین ’’راج بھاشا پلو‘‘ اکتوبر-دسمبر 2022 کا ای ایڈیشن شائع کیا، تاکہ سرکاری زبان کے نفاذ کو مزید موثر بنایا جا سکے اور ایک پلیٹ فارم فراہم کیا جا سکے اور ملازمین کے درمیان راج بھاشا ہندی میں لکھنے کے ہنر کی حوصلہ افزائی کی جا سکے۔ اس موقع پر ہندی ای میگزین ’’راج بھاشا پلو‘‘ کا اجرا شری ایم کے کشیپ، گروپ جنرل منیجر (انچارج)، دولہستی پاور اسٹیشن نے کیا۔ پاور سٹیشن کے سربراہ نے ای میگزین کی کامیاب اشاعت پر سب کی حوصلہ افزائی کی۔ انہوں نے کہا کہ میگزین کی اشاعت سے سرکاری زبان ہندی کے فروغ کو مزید تحریک ملے گی اور سرکاری زبان کے تئیں ہماری وفاداری اور فرض شناسی میں مزید بہتری آئے گی۔ڈاکٹر نشا شرما، جنرل منیجر (طبی خدمات)، شری ایس کے۔ مشرا، جنرل منیجر (الیکٹریکل)، شری شرد جیاکر، جنرل منیجر (سول)، ڈاکٹر آر پی سنگھ، گروپ ڈپٹی جنرل منیجر (ایچ آر)، شری سنجے کمار سنگھ، ڈپٹی جنرل منیجر (فنانس) اور دیگر سینئر افسران اس لانچ پروگرام کے دوران موجود تھے۔