بیداری پھیلانے کیلئے فوج نے تھنہ منڈی میں لیکچر کا اہتمام کیا
لازوال ڈیسک
راجوری //پیر پنجال کے دور دراز علاقوں میں بچیوں کے ساتھ امتیازی سلوک خواتین کی صحت کو نظر انداز کرنے میں اہم کردار ادا کرتا ہے۔وہیں بہت سے خاندانوں میں علاج معالجے کے لیے دستیاب محدود وسائل خواتین کے بجائے گھر کے مردوں پر خرچ کیے جاتے ہیں۔ خواتین کو صبر اور شرمندگی کا درس دیا جاتا ہے۔ درد اور تناؤ کو برداشت کرنے کے لیے کہا جاتا ہے۔ یہ سنگین نتائج کی طرف جاتا ہے کیونکہ طبی فٹنس ایک ایسے مرحلے میں پیچیدہ ہوتی ہے جہاں ان کا علاج مشکل ہوتا ہے۔ وہیںخواتین کی صحت کے مسائل اور احتیاطی تدابیر کے بارے میں بیداری پھیلانے کے لیے، ہندوستانی فوج نے تھنہ منڈی میں ایک لیکچر کا اہتمام کیا، تاکہ لڑکیوں اور خواتین میں صحت کے متعدد غیر متوقع مسائل کے بارے میں بیداری پھیلائی جا سکے جن کی اکثر اوقات تشخیص نہیں ہوتی۔
اس تقریب کا مقصد لڑکیوں اور خواتین میں خواتین کی زندگی کے تمام شعبوں میں صحت کی دیکھ بھال کے بارے میں آگاہی پھیلانا تھا۔ عورت کی زندگی کے ہر مرحلے پر، طبی مسائل کا جلد پتہ لگانے یا ان کی روک تھام کے لیے صحت کی دیکھ بھال کے اہم اقدامات پر عمل کرنا ضروری ہے۔ مدعو کرنے والوں کو ریفریشمنٹ بھی پیش کی گئی۔ فوج کے اس اقدام اور کوشش کو عوام نے بے حد سراہا ہے۔ فوج کی طرف سے دور دراز کے علاقوں میں رہنے والی آبادی تک پہنچنے کی یہ کوشش، جہاں سول انتظامیہ کی رسائی محدود ہے، جوان اور عوام کے درمیان اعتماد کو فروغ دینے اور مضبوط کرنے میں ایک طویل سفر طے کرے گی۔
