مرحوم کو آبائی قبرستان شاہپور میں احباب نے اشکبار آنکھوں کے سامنے سپرد خاک کیا
مولانا عبدالرشیدرضا نعیمی اہل سنت کا سپہ سالار تحریک و مشن کا نام ہے : علماءکرام
منظورحسین قادری
خطیب جموں وکشمیر مولانا عبدالرشید رضا نعیمی کے سانحہ ارتحال کی خبر پھیلتے ہی خطہ پیرپنچال اضلاع راجوری وپونچھ کے طول وعرض سے کثیر تعداد میں محبین آبائی گاؤں شاہپورحویلی پونچھ وارد ہوئے جہاں قاعد اہل سنت معمارقوم وملت مولانا مفتی سیّد بشارت حسین برکاتی صوبائی صدر جماعت اہل سنت رجسٹرڈ صوبہ جموں کے اقتدا میں ہزاروں فرزندان توحید ورسالت نے نماز جنازہ ادا جبکہ اس موقع پر علماء کرام نے مولانا عبدلرشید رضانعیمی کو خراج عقیدت پیش کرتے ہوئے موصوف کے کارہائے نمایاں کو سراہا اور اعتراف کیا کہ وہ ایک انقلابی شخصیت بن کر ابھرے جنہوں نے اپنے طالب علمی کے دور ہی میں عزم واستقلال کی نہج پرتعمیر وترقی اور تعلیم وتربیت کو اپنا نصب العین بنالیا تھا جو کہ بعدازاں سرزمین لورن پر جامعہ ضیاء الاسلام شاہپور کی دھرتی پر مدرسہ ضیاءالاسلام اور مہنڈھر میں جامعتہ المصطفٰے جیسے عظیم شاہکار قوم وملت کو ودیعت کئے جو دین وسنیت کے حقیقی ترجمان ہیں اور نئی نسل کے لئے انمول تحفہ ہیں انہوں نے ہمیشہ محبت رسول کا درس دیا اور ایمان وعقیدہ کے تحفظ پر زوردیا عوام الناس کے جم غفیر میں علماء کرام نے کہا کہ ارباب علم ودنش کی صنعت فقط مدارس اسلامیہ ہیں جن کے پروردہ تعلیم یافتہ امن وامان اور سلامتی کے خوگر ہیں شعار اسلام کے ان روشن مناروں کے تحفظ کے لئے ہمارا خون کا آخری قطرہ بھی حاضر ہے مدارس اسلامیہ یا علماء حق کی طرف کسی نے اگر بنظر حقارت دیکھا تو ہمیں آنکھوں میں آنکھیں ڈال کر جواب دینا بھی آتا ہے اس موقع پر کئی سیاسی سماجی شخصیات بھی موجودتھیں تاہم علماءکرام نے اپنے اپنے علاقہ جات کے علماءکرام وعوام اہل سنت کی قیادت کرتے ہوئے مرحوم مولانا عبدالرشید رضانعیمی کے متعلقین رفقاء واحباب بالخصوص حافظ شبیر احمد نعیمی کے ساتھ اظہار ہمدردی وتعزیت بھی پیش کی واضح رہے سرزمین مہنڈھر سے کئی گاڑیوں کے ذیعہ محبین نمازجنازہ وتدفین میں شریک ہوئے جامعہ انوار العلوم شہر پونچھ جامعہ نعیمیہ عمر کالونی پونچھ جامعہ ضیاء الاسلام لورن جامعہ مدینتہ الاسلام سیڑھی چوہانہ دارالعلوم رضویہ سلطانیہ سرنکوٹ دارالعلوم فیضان مصطفے سرنکوٹ دارالعلوم نظامیہ فیض العلوم دہڑہ موڑہ دارالعلوم اسلامیہ قادریہ بفلیاز جامعہ ضیاء القرآن ترڑانوالی جامعہ ضیاءالقرآن کلر کٹل جامعہ غوثیہ انوارالاسلام پونچھ ودیگر کئی جامعات دارالعلوم مدارس ومکاتب کے سربراہان اساتذہ وعملہ تشریف لائے تھے
