ساہنی نے خواتین کی شکایت اور امدادی مرکز کا افتتاح کیا
لازوال ڈیسک
جموں// 26 اکتوبر 1947 کو مہاراجہ ہری سنگھ نے الحاق کے دستاویز پر دستخط کیے، یہ ایک اہم دن تھا جب جموں و کشمیر ہندوستان کا اٹوٹ انگ بن گیا۔ اس تاریخی دن کے موقع پر جموں و کشمیر کے لوگ اپنی ہندوستانی شناخت پر فخر کرتے ہیں۔آخری ڈوگرہ حکمران، مہاراجہ ہری سنگھ، جنہوں نے کبھی یہ اندازہ نہیں لگایا تھا کہ وہ جموں و کشمیر کی بھاگ دوڑ ہندوستان کے حوالے کر رہے ہیں، یہ تصور بھی نہیں کر سکتے تھے کہ یہ خصوصی ریاست اپنی ریاستی حیثیت اور خصوصی حقوق سے محروم ہو کر دو مرکز کے زیر انتظام علاقوں میں تقسیم ہو جائے گی۔ عوام کو جمہوری عمل کی بحالی کا انتظار کر رہے ہیں۔یہ بات شیوسینا (یو بی ٹی) جموں و کشمیر یونٹ کے صدر منیش ساہنی نے کہی۔اس موقع پر منیش ساہنی نے جموں کے رنبیر یاتری بھون میں شیوسینا کی طرف سے کھولے گئے خواتین کی شکایت اور امدادی مرکز کا افتتاح کیا۔یوم الحاق کے موقع پر، ساہنی نے مودی حکومت سے جموں و کشمیر کی ریاستی حیثیت کو بحال کرنے، اس کی ثقافتی شناخت کو محفوظ بنانے کے لیے آرٹیکل 371 کو برقرار رکھنے، اور تعلیم، روزگار اور زمین میں خصوصی حقوق کا مطالبہ کیا۔ساہنی نے ذکر کیا کہ 26 اکتوبر 1947 کو جموں و کشمیر نے مخصوص شرائط و ضوابط کے ساتھ ہندوستان کے ساتھ الحاق کیا جس پر مہاراجہ ہری سنگھ نے اپنے لوگوں کے فائدے کے لیے دستخط کیے تھے۔ پوری قوم اس اہم دن پر فخر کرتی ہے۔ تاہم، سات دہائیوں سے زیادہ گزرنے کے باوجود، ریاست کی حیثیت بحال نہیں ہوسکی ہے، اور لوگوں کو پانچ سال سے زیادہ عرصے سے جمہوری عمل سے دور رکھا گیا ہے۔اس موقع پر خواتین ونگ کی صدر میناکشی چھبر، سنجیو کوہلی، بلونت سنگھ، اور یوتھ سکریٹری راجیش ہانڈا سمیت تنظیم کے اہم اراکین موجود تھے۔
