طلباء نے کئی مقامات پر پودے لگائے
حفیظ قریشی
جموں؍؍جی ڈی سی کٹھوعہ کی پرنسپل پروفیسر سیما میر کی سرپرستی میں، این ایس ایس یونٹس جی ڈی سی کٹھوعہ نے روڈ سیفٹی کلب جی ڈی سی کٹھوعہ کے اشتراک سے کالج کے احاطے میں ایک میگا شجرکاری مہم کا انعقاد کیا۔وہیں کالج کے پارکنگ ایریا، این ایس ایس پارک میںاور مختلف اقسام کے سو سے زائد پودے لگائے گئے۔ اس شجرکاری مہم کا انعقادگرین جموں و کشمیر ڈرائیو کے بینر تلے کیا گیا تھا۔ دریں اثناء پچھلے ہفتے این ایس ایس کے رضاکاروں نے گورنمنٹ مڈل سکول بھگتھلی، پرائمری سکول چک ماجرا اور پرائمری سکولوں میں سایہ دار درخت، طبی لحاظ سے اہم درخت، پھل دار درخت وغیرہ لگائے۔اس موقع پر پرنسپل جی ڈی سی کٹھوعہ پروفیسر سیما میر نے رضاکاروں سے تبادلہ خیال کیا۔ انہوں نے رضاکاروں کوگرین جموں و کشمیر ڈرائیو کے بارے میں آگاہ کیا۔ انہوں نے انہیں اس مہم کے مقاصد کے بارے میں بتایا کہ ہم اسے تمام اسٹیک ہولڈرز، خاص طور پر گاؤں کی پنچایتوں، خواتین، طالب علموں، این جی اوز اور سول سوسائٹی کی شمولیت کے ساتھ بڑے پیمانے پر عوامی تحریک کے طور پر بنانا چاہتے ہیں۔ انہوں نے اس میں این ایس ایس رضاکاروں کی خدمات کی بھی تعریف کی۔ا
