پروگرام کا مقصد نئے داخل ہونے والے طلباء کو کالج کے ضوابط سے آگاہ کرنا تھا
لازوال ڈیسک
جموںْْ// گورنمنٹ ڈگری کالج کنجوانی آئی کیو اے سی نے کیرئیر کاؤنسلنگ اور این ایس ایس یونٹ کے اشتراک سے آج یہاں بدھ کو سیشن 2023-24 کے یوجی پہلے سمسٹر کے طلباء کے لیے ایک روزہ "دیکشرمبھ سٹوڈنٹ انڈکشن پروگرام کا انعقاد کیا۔وہیںاس پروگرام کا مقصد نئے داخل ہونے والے طلباء کا استقبال کرنا اور انہیں کالج کے وسائل، فیکلٹی اور مختلف تعلیمی پیشکشوں سے آشنا کرنا تھا۔پروگرام کا آغاز سرسوتی وندنا کے ساتھ رسمی چراغ جلا کر ہوا۔ اس کے بعد کالج کے پرنسپل ڈاکٹر رویندر کمار ٹکو نے اول سمسٹر کے نئے طلباء کا پرتپاک استقبال کیا۔شعبہ انگریزی کی ڈاکٹر نیرو شرما نے قومی تعلیمی پالیسی-2020 کے بارے میں ایک وسیع پریزنٹیشن پیش کی۔ انہوں نے کالج کے بنیادی ڈھانچے، معاون خدمات اور دستیاب کورسز کی مختلف قسموں پر روشنی ڈالی اور قومی تعلیمی پالیسی (این ای پی) 2020 کی تفصیل سے وضاحت کی اور این ای پی 2020 کے نظرثانی شدہ کورس کے ڈھانچے، جامع اور کثیر الضابطہ نقطہ نظر کے بارے میں بتایا۔آخر میں، طلباء کو این ای پی، ماہرین تعلیم اور داخلوں کے بارے میں سوالات پوچھنے کا موقع ملا۔شعبہ اردو سے تعلق رکھنے والے ڈاکٹر اسحاق حسین نے پروگرام کی کارروائی کو ماہرانہ انداز میں چلایا۔ شکریہ کا رسمی ووٹ ڈاکٹر آرتی پنڈوہ گپتا کنوینر کیرئیر کونسلنگ اینڈ پلیسمنٹ سیل نے پیش کیا۔
