این ایس ایس پروگرام آفیسر پروفیسر شائستہ یاسمین کی کنوینرشپ میں منعقد ہوئی مہم
لازوال ڈیسک
جموں؍؍گورنمنٹ ڈگری کالج نیلی نالہ، ادھم پور نے کالج کے پرنسپل پروفیسر ہنس راج کی رہنمائی میں صفائی مہم کا انعقاد کیا۔اس پروگرام کا آغاز کالج کے پرنسپل کے کلیدی خطبہ سے ہوا۔وہیں صفائی مہم میں طلباء کی بڑی تعداد نے بڑے جوش اور جذبے کے ساتھ حصہ لیا۔اس موقع پر کالج پرنسپل نے طلباء کے ساتھ اپنے قیمتی الفاظ کا اظہار کرتے ہوئے کہا کہ اعلیٰ تعلیم کے ادارے کو صفائی، محفوظ ماحول، حفظان صحت، توسیعی کام، شرمدان، بیوٹیفیکیشن، بیداری مہم، کھیلوں، شجرکاری مہم اور اسٹیک ہولڈرز کی صحت کے بارے میں معلومات فراہم کرنی چاہئیں۔ ان سرگرمیوں اور توسیعی کاموں کے ذریعے بالخصوص طلباء اور عمومی طور پر معاشرہ کو فائدہ ملے گا۔واضح رہے پروگرام کی کنوینر پروفیسر شائستہ یاسمین پروگرام آفیسر این ایس ایس تھیں۔وہیں آرگنائزنگ کمیٹی کے ممبران میں ڈاکٹر سنیل تنوچ، پروفیسر ریکھا شرما، ڈاکٹر اختر حسین، ڈاکٹر ظہور میر، ڈاکٹر منتظر، ڈاکٹر مہیما بھگت، مسٹر پردیپ، مس سواتی شرما شامل تھے۔
