فاضل مواد سے اشیاء بنانے کا خیال خود روزگار پیدا کرنے میں بھی مددگار ثابت ہوگا:پروفیسر ہنس راج
لازوال ڈیسک
جموں؍؍گورنمنٹ ڈگری کالج نیلی نالہ، ادھم پور میں جے اینڈ کے ایڈز کنٹرول سوسائٹی، محکمہ صحت اور طبی تعلیم کے تعاون سے’ نوجوانوں کے لیے سبز ہنر: ایک پائیدار دنیا کی طرف ‘ کے موضوع پر ایک سرگرمی کا اہتمام کرتے ہوئے بین الاقوامی یوتھ ڈے منایا۔ واضح رہے یہ پروگرام کالج کے پرنسپل پروفیسر ہنس راج کی قابل رہنمائی میں منعقد کیا گیا تھا۔وہیںقریب میں کل 10 طلباء نے اپنے پراجیکٹس کی نمائش کی جو کہ سالڈ ویسٹ میٹریل کی مدد سے بنائے گئے تھے۔تاہم پراجیکٹس کی نمائش کے دوران طلباء نے ایک پائیدار دنیا کے لیے تصور کی اہمیت اور آلودگی کو کم کرنے اور قدرتی وسائل کے تحفظ میں اس کے تعاون کے بارے میں بھی بتایا۔اس موقع پرکالج کے پرنسپل پروفیسر ہنس راج نے طلباء کی کاوشوں کو سراہا اور ان کی حوصلہ افزائی کی کہ فاضل مواد سے اشیاء بنانے کا خیال خود روزگار پیدا کرنے میں بھی مددگار ثابت ہوگا۔
