اس طرح کے پروگرام عوام میں شعور پیدا کرتے ہیں: پرنسپل کالج
ؒٓؒٓلازوال ڈیسک
جموں//گاندھی جینتی کی تقریب کے تسلسل میں، این ایس ایس یونٹ گورنمنٹ ڈگری کالج سندربنی نے کالج کے روڈ سیفٹی کلب کے ساتھ مل کر بیداری پھیلانے اور بہتر صفائی اور حفظان صحت کو اپنانے کے لیے ایک عوامی تحریک کی ضرورت کا اعادہ کرنے کیلئے سوچھتا عہد کا انعقاد کیا۔ویںتقریب میں کالج کے طلباء اور اسٹاف نے شرکت کی۔ یہ پروگرام ڈاکٹر محمد اعظم کی زیر نگرانی منعقد ہوا اور انہوں نے پروگرام کے انعقاد پر تمام کمیٹیوں کے اراکین کی کاوشوں کو سراہا۔ اس طرح کے پروگرام عوام میں شعور پیدا کرتے ہیں اور اپنے علاقے کو صاف ستھرا بنانے کے لیے عوام میں دلچسپی پیدا کرتے ہیں۔ اس طرح کلین انڈیا مہاتما گاندھی کو بہترین خراج عقیدت ہو گا۔پروگرام کی کوآرڈینیشن شیراز کوسر این ایس ایس پی او، پروفیسر بیانت سنگھ کنوینر روڈ سیفٹی کلب اور پروفیسر شام لال نے کی۔
