طلباء نے ہیلمٹ، سیٹ بیلٹ کے استعمال، ٹریفک قوانین پر عمل کرنے پر دیا زور
لازوال ڈیسک
جموں؍؍گورنمنٹ کالج آف ایجوکیشن، کینال روڈ جموںکے این ایس ایس یونٹ نے روڈ سیفٹی ویک کے موقع پر ایک ریلی کا انعقاد کیا۔وہیں طلباء نے ہیلمٹ، سیٹ بیلٹ کے استعمال، ٹریفک قوانین پر عمل کرنے اور فٹ پاتھ اور زیبرا کراسنگ کے استعمال کی اہمیت کے بارے میں نعرے اور پمفلٹس کے ذریعے آگاہی پھیلائی۔واضح رہے طالب علموں کی طرف سے ایک ماہ طویل سرگرمیاں منعقد کی جاہی ہیںجس میں آفیشیٹنگ پرنسپل، پروفیسر ستیش کمار شرما، نے نوجوانوں کے درمیان ریش ڈرائیونگ کے بارے میں طلباء کے ساتھبات کی ۔ انہوں نے طلباء کو سماجی اور معاشرتی کاموں میں بڑھ چڑھ کر حصہ لینے کی ترغیب دی۔دریں اثناء ان سرگرمیوں کے دوران 02 فروری کو ورلڈ ویٹ لینڈز ڈے کے موقع پر طلباء کو ایک دستاویزی فلم دکھائی گئی جس میں نباتات اور حیوانات کے تحفظ کے لیے ویٹ لینڈز کی اہمیت کو اجاگر کیا گیا۔ اس موقع پر پروفیسر سریتا این ایس ایس پی او، کنوینر نیچر کلب، جی سی او ای، پروفیسر شالینی شرما، پروفیسر روپا، پروفیسر کرن، ڈاکٹر شبھرا جموال اور پروفیسر امبیکا شرما موجود تھیں۔
