تقریباً 5,00,000 اضافی برتھیں پیدا ہوئیں، 75 جوڑی ٹرینوں کے 354 ٹرپس کو مطلع کیا گیا ہے جو پچھلے سال سے 179 زیادہ ہے
243ٹرِپس مشرقی جانب ہیں جبکہ 111 دوسری سمت میں ، 282 ٹرِپس ریزروڈ ہیں اور 72اَن ریزروڈہیں
موجودہ ٹرین کے 39 ریک کو 842 کوچ ٹرپس کے ساتھ بڑھا دیا گیا ہے، مزید اَن ریزروڈٹرینیں حقیقی وقت کی بنیاد پر چلائی جائیں گی
لازوال ڈیسک
جموں؍؍ جنرل منیجر ناردرن ریلوے شوبھن چودھری نے آج شمالی ریلوے کے ہیڈکوارٹر آفس، بڑودہ ہاؤس، نئی دہلی میں منعقدہ میٹنگ میں آئندہ ہولی تہوار کے دوران مسافروں کے اضافی رش کو ختم کرنے کے لیے شمالی ریلوے کی طرف سے ہولی رش کے انتظامات کا جائزہ لیا۔ ہولی کے تہوار کے دوران ناردرن ریلوے کی طرف سے کئے جانے والے مختلف انتظامات پر تبادلہ خیال کرنے کے لئے اس موقع پر شمالی ریلوے کے شعبہ کے پرنسپل سربراہان بھی موجود تھے۔اس موقع پر اظہار خیال کرتے ہوئے جنرل منیجر، ناردرن ریلوے نے کہا کہ اس سال ریلوے کی جانب سے 75 جوڑی ٹرینوں کے 354 ٹرپس کی اطلاع دی گئی ہے جو گزشتہ سال کے مقابلے میں 179 زیادہ ہے۔ ان 354 ٹرپس میں 243 ٹرپس مشرقی سمت میں چلیںگے جبکہ 111 ٹرپس دوسری سمتوں میں چل رہے ہیں۔
انہوں نے مزیدکہاکہ 282 ٹرپس ریزروڈ ہیں جبکہ 72 ٹرپس اَن ریزروڈ ہیں۔ موجودہ ٹرینوں کے 39 ریک پہلے ہی ہولی کے تہوار کے دوران 842 کوچ ٹرپس کے ساتھ بڑھا دیے گئے ہیں تاکہ مانگ کو پورا کیا جا سکے۔ انہوں نے کہا کہ تقریباً 5,00,000 اضافی برتھیں پیدہ کی گئی ہیں۔ اس موقع پرجنرل منیجر، ناردرن ریلوے نے تمام افسران کو ہدایت دی کہ وہ مسافروں کے لیے ہولی رش کے انتظامات کی نگرانی کریں اور دہلی سے مشرقی اور ہندوستان کے دیگر حصوں تک مختلف مقامات کے لیے خصوصی ٹرینوں کے بروقت چلانے کو یقینی بنائیں۔
انہوںنے کہاکہ اجمیری گیٹ نئی دہلی اور آنند وہار ٹرمینل ریلوے اسٹیشنوں پر روانگی سے قبل انتظار کے دوران ہجوم کو گردش کرنے والے علاقے میں رکھنے کے لیے پلیٹ فارم پر رش کو کم کرنے کے لیے پر ’پسینجرمسافر ہولڈنگ ایریا‘ تشکیل دیا گیا ہے۔ واضح رہے آنند وہار ٹرمینل میں ٹینٹیج کا احاطہ شدہ رقبہ 3000 مربع فٹ ہے۔وہیں خواتین مسافروں اور مردوں کے لیے موبائل ٹوائلٹ کی سہولتمیسر ہے، پانی کا ٹینکرٹینٹ ایج علاقے سے بالکل ملحق ہے۔اس ضمن میں ضرورت کے مطابق پانچ اضافی انکوائری اور ٹکٹ کاؤنٹر قائم کئے گئے ہیں۔تاہم جنتا خانہ تمام سٹالز پر دستیاب ہے۔وہیں خیمے میں ایل ای ڈی اسکرین فراہم کی گئی ہے۔تاہم مسافروں کو مناسب سہولت فراہم کرنے کے لیے منی کنٹرول سیٹ اپ بھی قائم کیا گیاہے۔
اسی اثناء میںنئی دہلی ریلوے اسٹیشن پر ٹینٹیج کا احاطہ شدہ رقبہ 4500 مربع فٹ ہے۔وہیہں خواتین اور مردوں کے لیے موبائل ٹوائلٹ کی سہولت قائم کی گئی ہے ۔اس سلسلے میں ٹینٹیج ایریا کے سامنے پانی کے بیس اضافی نلکے لگائے گئے ہیں۔ ضرورت کے مطابق اضافی انکوائری اور ٹکٹ کاؤنٹر قائم،کھانے اور اسنیکس کے دواسٹالز، مسافروں کو مناسب سہولت فراہم کرنے کے لیے منی کنٹرول سیٹ اپ قائم کیا گیا ہے۔وہیںنئی دہلی اسٹیشن کے دونوں طرف بوتھ ’ میں میں آپ کی مدد کر سکتا ہوں‘ قائم کیا گیا ہے۔
دریں اثناء ٹرینوں کے انکوائری سسٹم اور اعلانات کے نظام کو تہوار کے دوران مانیٹر کیا جا رہا ہے اور پی آر ایس سسٹم کو اپ ڈیٹ کر دیا گیا ہے۔ وہیںخصوصی ٹرین کی پوزیشنیں صارفین کی معلومات کے لیے خصوصی ٹرینوں کے آغاز، اضافہ وغیرہ کے بارے میں باقاعدہ اور متواتر اعلانات کیے جائیں گے۔· اس بات کو یقینی بنایا جا رہا ہے کہ تمام بکنگ اور انکوائری کاؤنٹرز مصروف اوقات کے دوران چلائے جائیں۔ تاہم مسافروں کی سہولت کے لیے جہاں بھی ضروری ہو وہاں بکنگ کے لیے اضافی کاؤنٹر کھولے جائیں گے۔تاہم کمرشل/ویجیلنس انسپکٹرز کی ٹیم اور آر پی ایف/پولیس عملے کو ریزرویشن دفاتر میں تعینات کیا گیا ہے تاکہ ٹاؤٹس اور سماج دشمن عناصر کی سرگرمیوں پر نظر رکھی جا سکے۔ وہیںمسافروں کو بہتر سہولیات فراہم کرنے کے لیے تمام کوششیں کی جائیں گی جیسے اسٹیشنوں اور ٹرینوں میں صفائی، پینے کا مناسب پانی، روشن اشارے اور صاف اور مناسب ویٹنگ ہال وغیرہ۔تاہم اضافی ٹکٹ چیکنگ عملہ ریزروڈ کوچوں کی نگرانی کر رہا ہے اور ریزروڈ کوچوں میں سفر کرنے والے مسافروں کے تجویز کردہ شناختی ثبوتوں کی مناسب/مکمل جانچ کر رہا ہے۔وہیںریلوے اسٹیشنوں پر سیکورٹی اہلکاروں کے علاوہ اسکاؤٹس اینڈ گائیڈز اور سول ڈیفنس کے رضاکاروں کی کافی تعداد موجود ہے۔ وہ پلیٹ فارم اور فٹ اوور برجوں پر مسافروں کے ہجوم کا بھی انتظام کریں گے۔
واضح رہے آئندہ ہولی رش کے دوران ہجوم کے انتظام کے لیے خصوصی انتظامات کیے گئے ہیں۔ کسی بھی قسم کے ناخوشگوار واقعات کو روکنے اور ٹرینوں کی آسانی سے چلانے کے لیے تمام متعلقہ ریلوے محکموں، جی آر پی، سول پولیس کے ساتھ تال میل جاری رکھا جا رہا ہے۔اس سلسلے میں آر پی ایف انٹیلی جنس یونٹس متعلقہ ریاستی اور مرکزی انٹیلی جنس کے ساتھ باقاعدہ رابطے میں ہیں۔ وہیںاہم مسافر ٹرینوں کی ایسکارٹنگ کی جا رہی ہے اور ان ٹرینوں میں ایسکارٹنگ عملے کی چوکسی برقرار رکھنے کے لیے ان ٹرینوں میں سینئر افسران کی طرف سے سرپرائز چیک کیا جا رہا ہے۔ سونگھنے والے کتوں کے ساتھ انسداد تخریب کاری اور جی آر پی /سول پولیس کے ساتھ مشترکہ چیکنگ کی جا رہی ہے۔ وہیںسوشل میڈیا ہینڈلز کے ذریعے ٹرینوں/مسافروں پر غبارے/رنگ/پتھر/دیگر سامان وغیرہ نہ پھینکنے کے حوالے سے خصوصی بیداری مہم چلائی جا رہی ہے۔
وہیں20.03.2024 سے 25.03.2024 تک دہلی کے علاقے کے بڑے اسٹیشن یعنی نئی دہلی، پرانی دہلی، آنند وہار ٹرمنل اور حضرت نظام الدین پر ڈیوٹی آفیسرز کو تعینات کیا گیا ہے۔نئی دہلی، پرانی دہلی اور آنند وہار ٹرمینل پر 20.03.2024 سے 25.03.2024 تک ڈاکٹروں کو تعینات کیا گیا ہے۔ ایمبولینس کو نئی دہلی ریلوے اسٹیشن (اجمیری گیٹ اور پہاڑ گنج دونوں طرف)، حضرت نظام الدین، پرانی دہلی، آنند وہار ٹرمینل اور پانی پت ریلوے اسٹیشنوں پر 21.03.2024 سے 24.03.2024 تک تعینات کیا گیا ہے۔بزرگ شہریوں کی سہولت کے لیے اس بات کو یقینی بنایا جا رہا ہے کہ قابل عمل حالت میں وہیل چیئرز کی مناسب تعداد دستیاب ہو۔ریل مسافروں کی سہولت کے لیے اور ہولی کے تہوار کے دوران مسافروں کے اضافی رش کو دور کرنے کے لیے آنند وہار ٹرمینل سے پٹنہ، گیا، لکھنؤ، کماکھیا، شری ماتا ویشنو دیوی کٹرا، نئی دہلی سے وارانسی اور براونی، بٹھنڈہ- وارانسی، شری ماتا ویشنو دیوی کٹرا- وارانسی/ لکھنؤ، حضرت نظام الدین- لکھنؤ/ پونے، سہارنپور- امبالا/ چندی گڑھ، نئی دہلی- گورکھپور تک مختلف ہولی اسپیشل ٹرینیں چلانے کا اعلان کیا گیا ہے
