چیف سیکریٹری کو کی مبارکباد پیش، ملازمین کے مختلف مسائل کو کیا اْجاگر
لازوال ڈیسک
جموں؍؍ جموں کشمیر رہبر تعلیم ٹیچرز فو رم کا ایک اعلیٰ سطحی وفد منگل وار کو چیف سیکریٹری اٹل ڈلو سے سیول سیکریٹریٹ جموں میں ملاقی ہوا اور انہیں چیف سیکریٹری کا عہدہ سنھبالنے پر مبارکباد پیش کی اور ملازمین کو درپیش مختلف مسائل سے آگاہ کیا – فورم کے ترجمان اعلیٰ مظفر احمد وانی کی طرف سے جاری ایک پریس بیان کے مطابق فورم چیرمین فاروق احمد تانترے کی قیادت میں وفد نے چیف سیکریٹری کو تحفہ پیش کرتے ہوئے انہیں بطور چیف سیکریٹری کا عہدہ سنھبالنے پر مبارکباد پیش کی اوران کا والہانہ استقبال کیا- وفد نے چیف سیکریٹری کو رہبرتعلیم اسکیم کیتحت تعینات اساتذہ باالخصوص خواتین اساتذہ کی ٹرانسفر پا لیسی، اولڈ پینشن اسکیم کو ملازمین کے حق میں لاگو کرنے اور جموں کشمیر کے ملازمین کی تنخواو ں کی تفاوت دیگر یوٹیز کے مقابلے دور کرنے کا مطالبہ کیا – چیف سیکریٹری نے وفد کو غور سے سْنے کے بعد تمام جائز مطالبات پر غور کرنے کی یقین دہانی کرائی – وفد میں فورم چیرمین کے ہمراہ فورم جنرل سیکرٹری جہانگیر عالم خان،نائب چیرمین ظہور الدین بیگ، جاوید گل، خلیل خان، مظفر وانی، غلام محمد ڈار و دیگران شامل تھے –
