لازوال ڈیسک
جموں؍؍شیوسینا جموں و کشمیر یونٹ کے قائدین نے آج ممبئی کے تاریخی شیو جی پارک میں منعقد کی گئی بڑی دسہرہ ریلی میں ورچول موڈ میںشرکت کی۔اس دسہرہ ریلی کا لائیو ٹیلی کاسٹ پارٹی کے ریاستی مرکزی دفتر جموں میں دکھایا گیا۔ریاستی سربراہ منیش ساہنی سمیت ریاستی قائدین اور کارکنان ریلی میں جمع ہونے والی بڑی بھیڑ کو دیکھ کر پرجوش تھے۔پارٹی کے ریاستی سربراہ منیش ساہنی نے کارکنوں سے خطاب کرتے ہوئے کہا کہ پارٹی سربراہ ادھو صاحب ٹھاکرے کے تئیں سچے شیو سینکوں کی وفاداری کا اندازہ اس بھیڑ سے لگایا جا سکتا ہے۔انہوں نے کہا کہ دسہرہ جھوٹ پر سچائی، بدی پر مذہب اور برائی پر اچھائی کی فتح کا نشان ہے اور قابل احترام بالا صاحب ٹھاکرے کے شیو سینک سماجی برائیوں کو ختم کرنے سمیت اپنے مخالفین کو سبق سکھانے کے لیے بے تابی سے انتظار کر رہے ہیں۔اس موقع پر موجود شیوسینکوں نے ادھو صاحب ٹھاکرے سے اپنی وفاداری کا اظہار کرتے ہوئے حلف لیا۔
