ڈی ڈی سی چیئرپرسن ڈوڈہ نے تعلیمی فضیلت اور علاقائی چیلنجوں سے نمٹنے کے لیے ادارے کے عزم پر زور دیا
لازوال ڈیسک
جموں؍؍بھدرواہ کیمپس میں ’جموں و کشمیر میں تصور کو منظم کرنے اور امن کو فروغ دینے میں سماجی سائنس کا کردار‘ کے موضوع پر قومی کانفرنس کا آغاز ہوا۔واضح رہے جموں اور کشمیر میں امن کو فروغ اور تصور کے انتظام میں سماجی سائنس کا کردار کے موضوع پر دو روزہ قومی کانفرنس آج یہاں بھدرواہ کیمپس میں شروع ہوئی۔دریں اثناء نیشنل کانفرنس بھدرواہ کیمپس اور راشٹریہ سماج وگیان پریشد کے درمیان ایک مشترکہ کوشش ہے جو سماجی علوم کے فروغ کے لیے وقف ہے۔ وہیںتقریب کا آغاز بڑے جوش و خروش اور اہمیت کے ساتھ دھنتر سنگھ کوتوال، چیئرمین ضلع ترقیاتی کونسل ڈوڈہ نے کیاجواس موقع پر بطورمہمان خصوصی کی حیثیت سے شامل ہوئے ۔علاوہ ازیں پروفیسر راہل گپتا، ریکٹر بھدرواہ کیمپس، پروفیسر شیلا رائے، سکریٹری آر ایس وی پی،سی او 4 آر آر، ڈاکٹر سمیت اور دیگران کی موجود گی میںکانفرنس کا افتتاح کیا۔ وہیں دھنتر سنگھ کوتوال، چیئرمین ڈسٹرکٹ ڈیولپمنٹ کونسل ڈوڈہ نے اس اقدام کی تعریف کی اور اس موقع پر خطاب کرتے ہوئے خطے میں امن کو فروغ دینے میں اس طرح کے علمی مباحثوں کی اہمیت کو اجاگر کیا۔ اس موقع پرپروفیسر راہول گپتا، ریکٹر بھدرواہ کیمپس، نے باضابطہ خیرمقدم کیا، اپنی مسرت کا اظہار کیا اور تعلیمی فضیلت اور علاقائی چیلنجوں سے نمٹنے کے لیے ادارے کے عزم پر زور دیا۔ انہوں نے خطے میں امن و استحکام کو برقرار رکھنے میں مسلح افواج کے کردار پر بھی زور دیا۔ انہوں نے کہا کہ کانفرنس متنوع نقطہ نظر کے لیے ایک پلیٹ فارم کے طور پر کام کرتی ہے، اسکالرز اور پریکٹیشنرز کو احساس کو سنبھالنے اور امن کو پروان چڑھانے میں سماجی علوم کے اہم کردار پر مکالمے کو فروغ دینے کے قابل بناتی ہے۔ انہوں نے مزید کہا کہ منفرد چیلنجز پر توجہ مرکوز کرتے ہوئے جموں و کشمیر میں کانفرنس کا مقصد خطے کی سماجی، ثقافتی اور سیاسی حرکیات کے بارے میں گہری بصیرت فراہم کرنا ہے۔ اس موقع پرایڈیشنل ڈپٹی کمشنر بھدرواہ دل میر چودھری نے بھی اجتماع سے خطاب کرتے ہوئے خطے میں امن اور ہم آہنگی کے مقصد کو آگے بڑھانے میں ایسی کانفرنسوں کی اہمیت پر زور دیا۔واضح رہے کانفرنس میں کلیدی تقاریر، پینل مباحثے، پیپر پریزنٹیشنز اور انٹرایکٹو سیشنز ہوں گے، جن میں اسکالرز اور مختلف سماجی سائنس کے شعبوں کے ماہرین شرکت کریں گے۔اس دوران پروفیسر شیلا رائے، سکریٹری آر ایس وی پی نے امن کو فروغ دینے میں آر ایس وی پی کے کردار کے بارے میں بات کی۔ اس تناظر میں کانفرنس کی اہمیت کو اجاگر کرتے ہوئے جموں و کشمیر میں امن کے تصور پر اپنے خیالات کا اظہار کیا۔وہیں کانفرنس کے کنوینر ڈاکٹر کلجیت سنگھ نے اپنے خطاب میں کانفرنس کے مقاصد اور پرسیپشن مینجمنٹ اور خطے میں امن سے متعلق مسائل کو حل کرنے کی اہمیت کا جائزہ پیش کیا۔
