یواین آئی
سرینگر؍؍جموں وکشمیر ڈزاسٹر مینجمنٹ اتھارٹی (جے کے ڈی ایم اے) نے یونین ٹریٹری کے پانچ اضلاع میں اگلے چوبیس گھنٹوں کے دوران برفانی تودے گر آنے کی وارننگ جاری کی ہے۔ڈزاسٹر مینجمنٹ اتھارٹی کے ایک ترجمان نے پیر کو بتایا کہ کشتواڑ، کپواڑہ ، بانڈی پورہ ، بارہ مولہ اور گاندربل میں برفانی تودے گر آنے کا امکان ہے۔حکام نے لوگوں سے احتیاط برتنے کی تاکید کی ہے اور جن علاقوں میں برفانی تودے گر آنے کے خطرات رہتے ہیں وہاں جانے سے اجتناب کرنے کو کہا ہے۔
