بے دخلی مہم، بے روزگاری، کے پی کے ملازمین کی منتقلی جیسے کئی مسائل کو اجاگر کرتا ہے
لازوال ڈیسک
جموں؍؍پیپلز ڈیموکریٹک پارٹی (پی ڈی پی) کے ایک وفد نے آج جموں میں بھارت جوڑو یاترا کے دوران کانگریس لیڈر راہول گاندھی کے ساتھ شمولیت اختیار کی اور ان کے ساتھ حکومت کی بے دخلی مہم کے ساتھ ساتھ کشمیری پنڈت ملازمین کے مطالبات سمیت مختلف امور پر تبادلہ خیال کیا۔پی ڈی پی کا وفد، جس میں کئی سینئر لیڈران شامل تھے، کنجوانی بائی پاس پر پیدل مارچ میں شامل ہوا، اس کے فوراً بعد جب راہول گاندھی کی قیادت میں مارچ کرنے والے دوپہر کو ملحقہ سانبہ ضلع سے جموں میں داخل ہوئے۔پی ڈی پی کے صوبائی صدر یوتھ ونگ پرویز وفا اور ایڈیشنل جنرل سکریٹری راجندر منہاس نے راہول گاندھی کے ساتھ ستواری چوک کی طرف پیدل چل کر انہیں عام لوگوں سے متعلق مختلف مسائل سے آگاہ کیا۔پرویز وفا نے راہول گاندھی کو جموں و کشمیر انتظامیہ کی طرف سے لوگوں سے زمین کو ”چھیننے” کے لیے شروع کی گئی بے دخلی مہم کے بارے میں آگاہ کیا، اس حقیقت کے باوجود کہ وہ نسلوں سے جائیداد پر قابض ہیں۔ انہوں نے کانگریس لیڈر کو وزیراعظم پیکج کے بارے میں مزید بتایا کہ کشمیری پنڈت ملازمین اور ڈوگرہ ملازمین جو گزشتہ چھ ماہ سے جموں میں ہڑتال پر ہیں اور ٹارگٹ کلنگ کے بعد کشمیر سے باہر اپنی نقل مکانی کے خواہاں ہیں۔انہوں نے مزید کہا کہ بات چیت کے دوران جموں و کشمیر میں بڑھتی ہوئی بے روزگاری، مہنگائی اور معاشی بدحالی بھی زیر بحث آئی۔
