38546 کی نسبندی مکمل،کمشنر جے ایم سی راہل یادو نے اے بی سی؍اے آر وی اجلاس کی صدارت کی
لازوال ڈیسک
جموں ؍؍جموں شہرکے میونسپل حدودمیں50ہزار سے زائد آوارہ کتوں کی موجودگی کاانکشاف ہوا ہے ،جن میں سے جے ایم سی نے38546کی نسبندی کی ہے جبکہ دیگرکیلئے یہ عمل جاری ہے۔اس ضمن میں جے ایم سی کی حدود میں جاری اے بی سی/ اے آر وی پروگرام کی موجودہ صورتحال کا جائزہ لینے کے لیے کمشنر جے ایم سی راہل یادو کی قیادت میں مانیٹرنگ کمیٹی کا اجلاس منعقد کیا گیا۔یاد رہے گلیوں میں کتوں کی آبادی کے موثر انتظام اور انسانوں کے ساتھ ساتھ جانوروں دونوں میں ریبیز کے پھیلاؤ کو روکنے کے لیے اے بی سی/اے آر وی پروگرام جموں میونسپل کارپوریشن کے ذریعے جے ایم سی حدود میں چلایا جا رہا ہے۔
وہیں اجلاس میں اے بی سی مانیٹرنگ کمیٹی کے تمام ممبران نے شرکت کی۔ اس میٹنگ کے دوران، میونسپل اینیمل کیئر سنٹر، روپ نگر، جموں میں ایس ای سی اے فرینڈیکوز – (دہلی کی بنیاد پر اینیمل ویلفیئر آرگنائزیشن) کے تعاون سے جے ایم سی کے ذریعے لاگو کیے جانے والے اے بی سی/اے آر وی پروگرام کے مختلف پہلوؤں اور پیش رفت پر تفصیلی بات چیت کی گئی۔وہیں ڈاکٹر دیویا شرما، ایم وی او، جے ایم سی نے کمیٹی کی تعریف کی۔
اس موقع پر ایم وی او، جے ایم سی نے مزید اندازہ لگایا کہ اب تک کل 38546 آوارہ کتوں کو ٹیکے لگائے گئے یا نسبندی کی گئی۔وہیںمیٹنگ میں یہ فیصلہ کیا گیا کہ جے ایم سی کی حدود میں اے بی سی پروگرام کو مؤثر طریقے سے نافذ کرنے کے لیے عام عوام کی شکایات کی بنیاد پر ریذیڈنٹ ویلفیئر ایسوسی ایشن کے نمائندوں اور جانوروں کے کارکنوں/رضاکاروں پر مشتمل وارڈ وائز/زون وار رابطہ کمیٹیاں اپنے اپنے وارڈز میں کام کریں گی۔
