چیف سیکرٹری نے لوگوں میں وزیٹر کے تجربے ، تحفظ اور بیداری کیلئے وکالت کی
لازوال ڈیسک
جموں؍؍چیف سیکرٹری ڈاکٹر ارون کمار مہتا نے ایک اہم تقریب میں آج جمبو چڑیا گھر نگروٹہ کا دورہ کیا جس میں شاندار بڑی بلیوں کی آمد کا مشاہدہ کیا گیا۔چڑیا گھر نے چنئی، تامل ناڈو کے شیر اور شیرنی اور گجرات سے شیر اور شیرنی کا خیرمقدم کیا جو جنگلی حیات کی متنوع آبادی میں ایک نئی جہت کا اضافہ کرے گا۔ڈاکٹر ارون کمار مہتا نے سہولیت کے اپنے جامع دورے کے دوران جانوروں کے لیے فراہم کی جانے والی دیکھ دیکھ اور سہولیات کے بارے میں دریافت کیا اور ان کی فلاح و بہبود کو یقینی بنانے کی اہمیت پر زور دیا۔اُنہوں نے اُمید ظاہر کرتے ہوئے کہا ،’’ مجھے امید ہے کہ جمبو چڑیا گھر جلد ہی ملک کے بہترین چڑیا گھروں میں شامل ہو جائے گا۔‘‘اُنہوںنے کہا کہ جموںزمینی تبدیلیوں اور تیزرفتار ترقی کا تجربہ کر رہا ہے ،جمبو چڑیا گھر کو ایک اہم کشش کے طورپر دیکھا جاتا ہے۔چیف سیکرٹری نے صورتحال کا جائزہ لیتے ہوئے سیاحوں کی تعداد بڑھانے کے موقع کی نشاندہی کی۔ اُنہوں نے سکولی بچوں اور نیچر کے شوقین افراد میں چڑیا گھر کے متنوع باشندوں کی منفرد خصوصیات اور طرز عمل کے بارے میں آگاہی بڑھانے کی ضرورت پر زور دیا۔چیف سیکرٹری نے کہا کہ جمبو چڑیا گھر ایک ایسے مستقبل کا منتظر ہے جہاں یہ نہ صرف جنگلی حیات کے تحفظ کی علامت کے طور پر کھڑا ہوگا بلکہ اپنی انفرادیت سے سیاحوں کے دلوں کو مسحور بھی کرے گا۔ڈاکٹرارون کمار مہتا نے چڑیا گھر کی مخصوص خصوصیات اور اہم مقام پر روشنی ڈالی۔ جموں شہر اور کٹرہ آنے والے سیاحوں کی آمدورفت بڑھانے میں اہم کردار ادا کریں گے۔ دورے کے دوران چیف سیکرٹری کے ہمراہ پرنسپل سیکرٹری جنگلات و ماحولیات دھیرج گپتا ، پرنسپل چیف کنزرویٹر آف فارسٹ ، چیف وائلڈ لائف وارڈن ، چڑیا گھر کے منیجر اور دیگر متعلقہ محکمہ کے اَفسران بھی تھے۔
