آزادی پسند، سماجی مصلح، معروف ماہر تعلیم اور جگت پور پوسٹ گریجویٹ کالج کے بانیبابو شیو ناتھ سنگھ جی کو خراج عقیدت پیش کیا
لازوال ڈیسک
وارانسی؍؍لیفٹیننٹ گورنر منوج سنہا نے آج وارانسی کے جگت پور میں یادگاری تقریب سے خطاب کیا۔ انہوں نے آزادی پسند، سماجی مصلح، معروف ماہر تعلیم اور جگت پور پوسٹ گریجویٹ کالج کے بانی بابو شیو ناتھ سنگھ جی کو خراج عقیدت پیش کیا۔اجتماع سے خطاب کرتے ہوئے لیفٹیننٹ گورنر نے کہا کہ بابو شیو ناتھ سنگھ جی نے چمپارن ستیہ گرہ میں تاریخی کردار ادا کیا۔انہوں نے کہا کہ بابو شیو ناتھ سنگھ جی نے تعلیم تک آفاقی رسائی کے خیال کو فروغ دیا اور 1945 میں ایک سینئر سیکنڈری اسکول قائم کیا تاکہ معیاری تعلیم کو معاشرے کے تمام طبقات کی پہنچ میں لایا جا سکے۔لیفٹیننٹ گورنر نے کہا کہ بابو شیو ناتھ سنگھ جیسے ہمارے آباؤ اجداد ملک کی ترقی اور ہمہ جہت ترقی کے لئے پرعزم تھے اور ان کے ذریعہ قائم کردہ ادارے اس کام میں سرگرم عمل ہیں۔ہمارے آزادی پسندوں کی قربانی اور ان کا وڑن قوم کے لیے طاقت کا ایک بڑا ذریعہ ہے۔ نوجوانوں کو ملک کو وکست بھارت کے راستے پر ڈالنے کے لیے اپنے نظریات اور اقدار پر عمل کرنا چاہیے،‘‘ لیفٹیننٹ گورنر نے کہا۔تعلیم اور علم کو مکمل سماجی و اقتصادی مساوات کی شرط قرار دیتے ہوئے لیفٹیننٹ گورنر نے کہا کہ تعلیم ہی معاشرے کو تبدیل کرنے کا واحد ذریعہ ہے۔عزت مآب وزیر اعظم جناب نریندر مودی جی کی رہنمائی میں، ہندوستان علمی رابطے کے نئے شعبوں میں متاثر کن پیش قدمی کر رہا ہے۔ لیفٹیننٹ گورنر نے کہا کہ آج پوری قوم ہندوستان کو 2047 تک خود انحصار اور ترقی یافتہ ملک بنانے کے ایک مقصد کے ساتھ کام کر رہی ہے۔لیفٹیننٹ گورنر نے جموں کشمیر میں اسکول اور اعلیٰ تعلیم میں تبدیلی کے سفر کا اشتراک کیا۔ انہوں نے حال ہی میں شروع کیے گئے کالج آن وہیلز اقدام پر بھی روشنی ڈالی جس کا مقصد طلباء کو کلاس رومز کی دیواروں سے باہر سیکھنے کا موقع فراہم کرنا ہے۔اپنے خطاب میں لیفٹیننٹ گورنر نے تعلیمی نظام میں طلباء کے تاثرات کو شامل کرنے، اختراعی مقابلوں کے انعقاد اور بین الضابطہ تعلیم پر توجہ دینے کے بارے میں اپنی تجاویز بھی دیں۔اس موقع پر لیفٹیننٹ گورنر نے جگت پور پی جی کالج کے بی بی اے اور بی ایف اے بلاکس کا بھی افتتاح کیا۔ ایک اشاعت، ’اسمرتی گرنتھ‘بھی جاری کی گئی۔رکن اسمبلی ایس ستیش چندر دوبے، منیجنگ کمیٹی کے صدر انیرودھ سنگھ، پرنسپل پروفیسر انیل کمار سنگھ، تمام شعبہ ہائے زندگی سے تعلق رکھنے والے افراد اور طلباء موجود تھے۔
