کہا پی ایم مودی کے ایس ٹی کے درجہ کے فیصلے کو مضبوط قیادت کے اقدام کے طور پر جانا جاتا ہے
لازوال ڈیسک
نئی دہلی؍؍ تعریف کے ایک شاندار مظاہرے میں، ممتاز پہاڑی قائدین آج دہلی میں جمع ہوئے اوربی جے پی کے قومی جنرل سکریٹری ترون چغ کا تہہ دل سے شکریہ ادا کیا۔وہیںقائدین نے وزیر اعظم نریندر مودی کی ان کے بصیرت انگیز پہل کے لئے تعریف کی، کیونکہ آئین (جموں و کشمیر) شیڈول ٹرائبس آرڈر (ترمیمی) بل 2024 کامیابی کے ساتھ منظور ہو گیا تھا۔
اس تاریخی قانون سازی کا مقصد پہاڑی نسلی گروپ، پڈاری قبائل، کولی، اور گڈا برہمن برادریوں کو بااختیار بنانا ہے تاکہ انہیں شیڈول ٹرائب کا درجہ دیا جائے، اس طرح جموں و کشمیر میں ایک دیرینہ مطالبہ کو پورا کیاگیا۔وہیں موجود قائدین نے اس کامیابی کو پورے قبیلے کے لیے ایک اہم لمحہ قرار دیتے ہوئے بی جے پی حکومت کے اس پائیدار مطالبے کو پورا کرنے پر انتہائی اطمینان کا اظہار کیا۔
دریںا ثناء ذرائع ابلاغ کے نمائندوں سے بات کرتے ہوئے، پہاڑی ایس ٹی ٹرائب فورم کے ایک سینئر رہنما احسان مرزا نے تین دہائیوں کی مشکل جدوجہد پر زور دیا اور اس بات کا اعادہ کیا کہ پچھلی حکومتیں اس مطالبے کو مناسب طریقے سے حل کرنے میں ناکام رہیں۔ مرزا نے شامل ترقی اور بہبود کے لیے بی جے پی حکومت کے اٹل عزم کو اجاگر کرتے ہوئے کہا کہ سب کا ساتھ، سب کا وکاس محض ایک نعرہ نہیں ہے بلکہ ایک رہنما اصول ہے۔
اس موقع پرترون چغ نے اس بات پر زور دیا کہ یہ بل پہاڑی اور دیگر برادریوں سے تعلق رکھنے والے لوگوں کے حقوق کو بحال کریں گے جو ایس سی اور ایس ٹی فہرستوں میں نئے شامل کیے گئے ہیں۔ انہوں نے وزیر اعظم مودی کی قیادت میں گوجر اور بکروال برادریوں کے درجات کی بلندی پر بھی روشنی ڈالی۔چغ نے مزید سیاسی جماعتوں پر زور دیا کہ وہ اس معاملے پر سیاست کرنے سے گریز کریں اور اس کے بجائے سماجی بہتری کے لیے اجتماعی کوششوں پر توجہ دیں۔ اس موقع پر موجود رہنمائوں میں ایڈو احسان مرزا، ایڈوکیٹ آفتاب گنائی، ایڈوکیٹ گوردیو سنگھ ٹھاکر، بھارت بھوشن ویدو دیگران موجود تھے ۔
