کہا مسلمان بھائیوں کی شمشان بھومی اور سرکاری اراضی پر ناجائز قبضے کی مذمت قابل داد
لازوال ڈیسک
جموں؍؍معروف سماجی اور سیاسی کارکن وقومی ترجمان اور این سی پی کے قومی سکریٹری یوتھ ونگ اور قومی صدر یوتھ فارمرز آرگنائزیشن انجینئر رشی کلم نے دیوسر تحصیل کے مسلمان بھائیوں کی ستائش کرتے ہوئے کہاکہ انہوں نے شمشان بھومی اور سرکاری اراضی پر ناجائز قبضے کی مذمت کر کے قابل دادکام کیا ہے ۔انہوں نے اس ضمن میں نوجوان وفد سے اس سنگین مسئلے پر صبر و تحمل سے کام لینے کی اپیل کی ۔انہوں نے کہاکہ ضلع کولگام کی تحصیل دیوسر کے گاؤں کلم میں شمشان بھومی اور شمائلات (سرکاری) کی اراضی پر قبضے کی کوشش قابل مذمت ہے۔رشی نے ناراض نوجوانوں کے وفد کے ساتھ بات چیت کرتے ہوئے کہا کہ شمشان کی جگہ پر تجاوزات کا غیر اخلاقی، بدصورت اور شرمناک غیر انسانی فعل تشویشناک ہے ۔رشی نے کہاکہ ہم مذکورہ علاقے سے تعلق رکھنے والے اپنے مسلم بھائیوں کی اکثریت کو سلام پیش کرتے ہیں جنہوں نے تجاوزات کے اس فعل کی مذمت کی اور انسانیت اور مذہبی اخلاقیات سے بالاتر ہو گئے۔رشی نے متاثرہ نوجوانوں کے وفد کو انتظار کرنے اور دیکھنے کی یقین دہانی کرائی کیونکہ ہم نے پہلے ہی متعلقہ ریونیو حکام سے رابطہ کر لیا ہے تاکہ چند زمینوں پر قبضہ کرنے والوں کے خلاف فوری قانونی کارروائی کی جائے۔
