کہااپوزیشن جماعتیں جموں میں بدامنی کا ماحول پیدا کرنے کی کوشش کر رہی ہیں
لازوال ڈیسک
جموں؍؍اپنے ایک اہم بیان میں، بی جے پی جموں و کشمیر کے جنرل سکریٹری اور سابق ایم ایل سی وبودھ گپتا نے کہا کہ جموں و کشمیر کا اگلا وزیر اعلیٰ بی جے پی سے ہوگا اور پارٹی کی بڑھتی ہوئی مقبولیت اپوزیشن کی نیندیں اڑا رہی ہے۔ ان خیالات کا اظہار انہوں نے امبھ گھروٹہ (شمالی جموں) میں کارکنوں کے اجلاس سے تبادلہ خیال کرتے ہوئے کیا۔بعد ازاں اجتماع سے بات کرتے ہوئے، وبود ھنے کہاکہ بھارتیہ جنتا پارٹی جموں و کشمیر کی فلاح و بہبود اور ترقی کے لیے پوری طرح پرعزم ہے۔ انہوں نے اس حقیقت پر زور دیا کہ وہ اور پارٹی قیادت کو یقین ہے کہ اگلا وزیر اعلیٰ بی جے پی سے ہوگا اور پارٹی اس مقصد کو حاصل کرنے کے لیے انتھک محنت کرتی رہے گی۔ انہوں نے کہاکہ جموں و کشمیر میں پارٹی کی بڑھتی ہوئی مقبولیت اور موجودگی کے ساتھ، اعلامیہ بی جے پی کے جموں و کشمیر کے سیاسی منظر نامے کی تشکیل میں ایک اہم کردار ادا کرنے کے عزم کو واضح کرتا ہے۔وبودھ نے این سی، پی ڈی پی اور کانگریس جماعتوں پر سخت تنقید کی اور کہا کہ فی الحال یہ پارٹیاں پی ایم مودی اور ان کی قابل قیادت کے ترقیاتی ایجنڈے اور ژن کی وجہ سے بی جے پی کی بڑھتی ہوئی مقبولیت سے خوفزدہ ہیں۔
