جموں ڈویژن کے شہریوں اور اسکولی بچوں نے تقریب میں جوش و خراش کے ساتھ بڑی تعداد میں شرکت کی
لازوال ڈیسک
ریاسی؍؍جنرل زوراور سنگھ میموریل ایجوکیشنل چیریٹیبل ٹرسٹ نے جموں و کشمیر کے محکمہ سیاحت اور ضلعی انتظامیہ ریاسی کے اشتراک سے لوہڑی کا تہوار بھیم گڑھ فورٹ ریاسی میں منایا، جو عظیم ڈوگرا جنرل جنرل زوراور سنگھ کی قیادت میں مشہور قلعہ ہے۔ وہیںجشن کے دوران ایک نمائش کا اہتمام کیا گیا جس کے بعد ثقافتی پروگرام بھی پیش کیا گیا۔ آخر میں، ‘لوہڑی دہن’ کے ساتھ تقریبات کو حتمی شکل دی گئی۔وہیں کارروائی کے دوران، ٹرسٹ کی ایگزیکٹو کونسل کا اعلان کیا گیا اور ٹرسٹ کے چیرمین کی طرف سے نئے مقرر کردہ اراکین کو ‘راج تلک’ سے نوازا گیا۔تاہم تقریبات پورے جوش و خروش کے ساتھ منائی گئیں اور اس میں جموں ڈویژن کے شہریوں اور اسکولی بچوں کی ایک بڑی تعداد نے شرکت کی۔وہیں تقریبات کے دوران جنرل زورآور کی جنگ کی بہادری، ریاست جموں و کشمیر کی تشکیل میں ان کے بے پناہ تعاون اور ان کے معصوم کردار کو یاد کیا گیا ۔اس دوران کلچرل اکیڈمی جموں کے فنکاروں نے ڈوگری اور پنجابی زبانوں میں لوہڑی کا پروگرام پیش کیا۔
