ضلع انتظامیہ ہر ممکن مدد کے لئے تیار ،نوجوان کھیلوں میں حصہ لیں : ڈی سی راجوری
عمرارشدملک
راجوریبھوم بھوم کلب اور پریس کلب راجوری نے نوجوانوں کے لئے ایک پلیٹ فارم مہیا کیاجس میں ہر طرح کے کھیل ہونگے اور اس سلسلہ میں مشترکہ طور پر بھوم بھوم کلب اور پریس کلب راجوری نے اتوارکو کرکٹ ٹورنامنٹ کا آغازکیا جس کا افتتاح ضلع ترقیاتی کمشنر راجوری ڈاکٹر شاہد اقبال نے یہاں پولیس لائن راجوری میں کیا ۔ اس کرکٹ ٹورنامنٹ میں کُل 24ٹیمیں حصہ لے نگی جبکہ پنجاب ،دلی ،جموں سرینگر ،پونچھ ،ریاسی سے بھی ٹیمیں راجوری ٹی 20کرکٹ ٹورنامنٹ میں حصہ لے رہی ہیں ۔ ٹورنامنٹ کے افتتاحی پروگرام میں راجوری کے معززین کی بڑی تعداد نے شرکت کیا جبکہ ضلع انتظامیہ کے آفیسران نے بھی پروگرام میں حصہ لیا ۔ بھوم بھوم کلب کے شفقت میر ، بلال خان اور دیگر بھی موجود تھے وہیں اس موقع پر پریس کلب راجوری کے صدر اویناش جسیال ،نائب صدر عارف قریشی ، عمرارشدملک،جمشیدملک،سمیت بھارگو ،ایمروز سوری ،امت شرما ، کش گپتا ، امیش ملہوترااور دیگر بھی موجود تھے۔ اس دوران افتتاحی پروگرام میں ضلع ترقیاتی کمشنر راجوری ڈاکٹر شاہد اقبال نے کہا کہ کھیل کود جہاں صحت مند زندگی کی ضمانت فراہم کرتی ہے اورمنشیات سے بھی لوجوانوں کو دور رکھتی ہے اور وہیں آپسی بھائی چارہ امن و محبت دوستی کا پیغام لے کرآتی ہے۔ انہوں کہا کہ پریس کلب راجوری کی مدد سے مختلف قسم کے کھیل بھی منعقد ہونگے اور کھلاڑیوں کو پریس کلب کی شکل میں راجوری ایک پلیٹ فارم مہیا ہوا ہے اور اب ہر قسم کے کھلاڑیوں کو بہترین کھیل کا مظاہرہ کرنا چاہیے ۔ ضلع ترقیاتی کمشنر راجوری ڈاکٹر شاہد اقبال نے بھوم بھوم کلب کو بھی مبارکبادی پیش کرتے ہوئے کہا کہ نوجوانوں کو چاہیے کہ وہ کھیل کودمیں حصہ لیں اور بہترین مظاہرہ بھی کرئے تاکہ نواجوان منشیات سے دور ہے ۔ انہوں نے کہا کہ ضلع انتظامیہ کھیلوں کے لئے ہر ممکن مدد کے لئے بھی تیار ہے تاکہ نوجوانوں کو ایک پلیٹ فارم مہیا ہوسکے جس پر وہ اپنے ہنر کا مظاہرہ کرسکے ۔ اس موقعہ پر اے ایس پی محمد یوسف ،اے سی آر عبدالقیوم میر ،سی پی او راجوری عبدالحمید ، ضلع کھیل آفیسر راجوری ،ضلع آفیسر سماجی بہبود راجوری عبدالخبیر ،ڈی ایس پی ڈی آر شازیہ میر ، ڈی ایس پی ہیڈکوارٹر جسونت سنگھ اوردیگر آفیسران بھی خاص طور پر موجود تھے۔
