آگاہی لیکچر کو ہوا انعقاد،کھانے پینے کی اچھی عادات، متوازن غذا کی اہمیت پر بھی دیا زور
لازوال ڈیسک
راجوری؍؍صفائی ایک صحت مند زندگی کا ایک بنیادی پہلو ہے۔ اس میں ہماری ذاتی حفظان صحت اور ہمارے اردگرد کی صفائی دونوں شامل ہیں۔ دور دراز کے علاقوں میں رہنے والے لوگوں میں ذاتی حفظان صحت اور صفائی ستھرائی اور صحت مند زندگی کے بارے میں بیداری بڑھانے کے لیے، ہندوستانی فوج نے راجوری ضلع کے گمبھیر برہمنہ گاؤں میں صحت مند زندگی کے لیے سوچھتا مہم کا اہتمام کیا۔ اس تقریب کے دوران دور دراز علاقوں میں رہنے والے بچوں، نوجوانوں اور رہائشی آبادی میں مختلف بیماریوں اور ان کی علامات کے بارے میں آگاہی بڑھانے کے لیے ایک آگاہی لیکچر بھی دیا گیا جس کے ساتھ ساتھ اس سے بچاؤ کے لیے موثر اقدامات کیے گئے اور کھانے پینے کی اچھی عادات، متوازن غذا کی اہمیت پر بھی زور دیا گیا۔اس موقع پر تمام اہلکاروں نے اپنے گھروں، کام کی جگہ اور گردونواح کی صفائی کو یقینی بنانے کا عہد بھی لیا۔وہیں تقریب میں معاشرے کے تمام طبقوں کے رضاکاروں بشمول اسکولی بچوں، خواتین اور معروف سماجی کارکنان نے بڑی تعداد میں شرکت کی۔
