ہندوستانی فوج کے یہ اقدامات نوجوانوں کے ذہنوں پر لازوال نقوش چھوڑتے ہیں:سرپنچ نصیب سنگھ
لازوال ڈیسک
جموں؍؍’یوم جمہوریہ جشن 2023′ کے ایک حصے کے طور پر، ہندوستانی فوج نے یوم جمہوریہ کی اہمیت کو اجاگر کرنے کے لیے ایک تمہید کے طور پر ضلع ڈوڈہ (جے اینڈ کے) کے بھلا میں ایک ‘فوٹوگرافی مقابلہ’ کا انعقاد کیا۔ مقابلے میں مختلف سکولوں کے طلباء کی کثیر تعداد نے شرکت کی۔ اپنی تقریر کے دوران نصیب سنگھ، سرپنچ، سندرا نے بچوں کو یوم جمہوریہ کی اہمیت کے بارے میں بتایا۔ مقابلے کے اختتام پر جیتنے والوں میں انعامات تقسیم کیے گئے۔ تقریب کے دوران بچوں کے جذبے اور جوش نے خطے کی مختلف کمیونٹیز کے درمیان قومی سالمیت اور ہمدردی کی طرف جھکاؤ کی بڑھتی ہوئی تبدیلی کو ظاہر کیا۔ یوم جمہوریہ کے موقع پر خطاب کرتے ہوئے نصیب سنگھ، سرپنچ، سندرا نے کہا کہ "ہندوستانی فوج کے یہ اقدامات نوجوانوں کے ذہنوں پر لازوال نقوش چھوڑتے ہیں اور ان کا ہمیشہ خیرمقدم کیا جاتا ہے کیونکہ یہ دور دراز کے علاقوں کو خود کو مرکزی دھارے کی سرگرمیوں سے جوڑنے میں مدد کرتے ہیں”۔
