ایک کروڑ گھرانوں کے لیے روف ٹاپ سولرائزیشن کی اسکیم کا خیر مقدم کیا
لازوال ڈیسک
جموں؍؍مرکزی حکومت کی طرف سے آج اعلان کردہ بجٹ پر ردعمل میں ارون گپتا، صدر چیمبر آف کامرس اینڈ انڈسٹری نے کہا کہ تاجر برادری کے لیے کوئی نئی بات نہیں ہے کیونکہ بجٹ میں ان کے لیے کسی ریلیف کا اعلان نہیں کیا گیا ہے۔ انہوں نے کہا کہ ہم نے جموں میں کچھ پبلک سیکٹر انڈر ٹیکنگ یونٹ کے قیام کا مطالبہ کیا ہے لیکن بجٹ میں کچھ بھی اعلان نہیں کیا گیا ہے۔ انہوں نے امید ظاہر کی کہ جموں و کشمیر یوٹی کے بجٹ کا اعلان کرتے ہوئے حکومت جموں میں سیاحوں کی آمد میں اضافہ کرنے کے لیے جموں میں ایک بڑے سیاحتی مقام کے قیام کا اعلان کرے گی کیونکہ وادی کشمیر تک ریل/سڑک رابطہ یقینی طور پر جموں کی اقتصادی ترقی کو نقصان پہنچائے گا۔ آج اعلان کردہ مرکزی بجٹ کا خیر مقدم کرتے ہوئے ارون گپتا نے کہا کہ مرکزی حکومت نے تمام بڑے شعبوں بشمول دفاع، صحت کے شعبے، زراعت اور فوڈ پروسیسنگ، خواتین، نوجوانوں اور نچلے متوسط طبقے کے لوگوں پر توجہ دی ہے۔ ارون گپتا نے سٹارٹ اپس کو ٹیکس کے فوائد کے تسلسل اور 31مارچ 2025 تک کچھ IFSC یونٹس کے ٹیکس سے چھوٹ اور اسی ٹیکس کی شرحوں کو برقرار رکھنے کا بھی خیر مقدم کیا۔ ارون گپتا نے ایک کروڑ گھرانوں کے لیے روف ٹاپ سولرائزیشن کی اسکیم کا بھی خیر مقدم کیا جس سے وہ ماہانہ 300 یونٹ بجلی مفت حاصل کر سکیں گے۔ارون گپتا نے اگلے پانچ سالوں میں اضافی دو کروڑ مکانات کے اعلان اور پردھان منتری آواس یوجنا کے تحت متوسط طبقے کے لیے اپنے مکان خریدنے اور بنانے کے لیے مکانات کو فروغ دینے کی اسکیم کی ستائش کی۔
