بھدرواہ؍؍ایک اہم اقدام کے تحت سیکرٹری کواپریٹو ببیلا رکوال نے آج یہاں درادھو میں ایک عوامی رابطہ پروگرام کی صدارت کی ، اے ڈی ڈی سی ڈوڈہ ، اے ڈی سی بھدرواہ اور ڈی ڈی سی کونسلر ویسٹ یودھویر ٹھاکر کے ہمراہ سیکرٹری نے ضلع افسران اور مختلف محکموں کے نمائندوں کے ساتھ عوامی شکایات کا ازالہ کیا ۔ تقریب کا آغاز محکمانہ سٹالز کے معائینہ کے ساتھ ہوا جس نے کمیونٹی کے خدشات کو براہ راست حل کرنے کیلئے لہجہ ترتیب دیا ۔ عوامی دربار کے دوران سرپنچوں ، پی آر آئیز اور عوامی نمائندوں کے ذریعہ انفراسٹرکچر کی ترقی سے لیکر روز گار کے مواقع اور سرکاری اسکیموں تک کے بے شمار مسائل کو اجاگر کیا گیا ۔
سیکرٹری نے یو ٹی حکومت کے تحت ترقی کی رفتار کو تسلیم کرتے ہوئے ضلع کے تمام شعبوں میں نمایاں پیش رفت پر زور دیا ۔ انہوں نے طے شدہ وقت کے اندر منصوبوں کو مکمل کرنے کی اہمیت کو اجاگر کرتے ہوئے اٹھائے گئے مسائل اور شکایات کے بروقت حل کی یقین دہانی کرائی ۔ مزید براں رکوال نے سیاحت کو فروغ دینے کیلئے روڈ کنیکٹیویٹی ، نابارڈ کے پروجیکٹوں کی تکمیل اور ریسیونگ اسٹیشنوں کے قیام جیسے اقدامات کیلئے تعاون کا وعدہ کیا ۔ ببیلا رکوال نے افسران کو ہدایت دی کہ وہ کھیلوں کی سرگرمیوں میں نوجوانوں کی شمولیت کی حوصلہ افزائی کیلئے چھوٹے اسپورٹس کورٹس کے قیام کا آغاز کریں ۔ مزید براں انہوں نے علاقے میں سیاحت اور روزی روٹی کے مواقع کو بڑھانے کیلئے ’ ہوم سٹے ‘ کے تصور کو فروغ دینے پر زور دیا ۔
اس موقع پر خطاب کرتے ہوئے ڈی ڈی سی کونسلر ویسٹ یودھویر ٹھاکر نے انتظامی سیکرٹری کے سامنے مختلف مسائل ، مطالبات اور شکایات کو اجاگر کیا ۔ پبلک آؤٹ ریچ پروگرام کے اختتام پر سیکرٹری نے تمام افسران اور متعلقہ محکموں کے اہلکاروں کے ساتھ ایک میٹنگ منعقد کی تا کہ اس بات کو یقینی بنایا جا سکے کہ تقریب کے دوران اٹھائے گئے مسائل اور شکایات کو ترجیح بنیادوں پر حل کیا جا سکے ۔ انہوں نے ہر محکمے کو متعلقہ مسائل کو فوری حل کرنے کی ہدایت دی ۔
