پرانے اور تازہ کیسوں کا جائزہ لیا اور زیر تفتیش مقدمات کو جلد نمٹانے کے لیے افسران کو ضروری ہدایات اور رہنما خطوط جاری کیے
لازوال ڈیسک
جموں؍؍سنیل کمار، آئی پی ایس، اے ڈی جی پی ریلوے جموں وکشمیر نے ریلوے پولیس ہیڈکوارٹر جموں (کیمپ) میں جرائم اور سیکورٹی کا جائزہ لینے کی ایک تفصیلی میٹنگ منعقد کی۔ ااس جلاس میں موہن لال کیتھ، ایس ایس پی ریلوے جموں، البینہ ملک، ایس ڈی پی او ریلوے جموں، نریش کمار، ڈی وائی ایس پی جی آر پی لائنز جموں اورنیاز احمد ایس ایچ او پی ایس جی آر پی جموں نے شرکت کی۔وہیں میٹنگ کے دوران اے ڈی جی پی ریلوے نے پرانے اور تازہ کیسوں کا جائزہ لیا اور زیر تفتیش مقدمات کو جلد نمٹانے کے لیے افسران کو ضروری ہدایات اور رہنما خطوط جاری کیے۔اس موقع پر زیر تفتیش مقدمات کو جلد از جلد حتمی شکل دینے پر زور دیا گیا۔وہیں آنے والے تہواروں جیسے کہ نوراترا، دیپاولی اور دیگر اہم مذہبی تہواروں کے پیش نظر ، افسران سے کہا گیا کہ وہ اپنے اپنے علاقوں میں گشت اور چیکنگ کو تیز کریں۔ اس دوران افسران کو ہدایت دی گئی کہ وہ اہم تعیناتی پوائنٹس اور حساس مقامات کا اچانک دورہ کریں تاکہ سیکورٹی ڈیوٹی پر تعینات جوانوں کی سیکورٹی تیاریوں کا جائزہ لیا جا سکے۔دریںا ثناء آنے والے تہواروں کے موسم کے دوران ریلوے اسٹیشن جموں پر آنے والے مسافروں کے بھاری رش کے پیش نظر اے ڈی جی پی ریلوے جموں نے خصوصی طور پر ریلوے اسٹیشن جموں پر پٹریوں پر تعیناتی کو مزید مضبوط بنانے پر زور دیا۔
