ضلعی پولیس افسران کے ساتھ میٹنگ کی،سیکورٹی صورتحال کاجائزہ لیا
لازوال ڈیسک
جموں؍؍مکیش سنگھ آئی پی ایس، اے ڈی جی پی جموں زون جموں کے ساتھ ڈی آئی جی یو آر رینج سلیمان چودھری-آئی پی ایس نے ضلع پولیس آفس ریاسی میں شری بدھا امرناتھ جی یاترا، کونسر ناگ یاترا اور یوم آزادی کے انتظامات کی سیکورٹی جائزہ میٹنگ کی۔ یاترا اور آنے والے یوم آزادی کی تقریب کے ہموار انعقاد کو یقینی بنانے کے لیے مشترکہ آپریشنز اور مربوط منصوبہ بندی پر زور دیا گیا۔ میٹنگ کے دوران ریاسی کے یو اے پی ایکٹ کیسوں کی تحقیقات کی پیش رفت پر بھی تبادلہ خیال کیا گیا۔ منشیات کے استعمال کے معاملات کی تحقیقات اور منشیات کی لعنت سے نمٹنے کے لیے حکمت عملی پر غور کیا گیا۔ اے ڈی جی پی جموں نے مقدمات میں معیاری تفتیش اور سزا تک کیس کی مناسب پیروی پر بھی زور دیا۔ایس ایس پی ریاسی ایس امیت گپتا-جے کے پی ایس نے اے ڈی جی پی کو پورے ضلع کی امن و امان کی صورتحال، آئندہ یاترا اور یوم آزادی کی تیاری کے پلان کے بارے میں آگاہ کیا۔ ایس ایس پی نے موجودہ سیکیورٹی صورتحال اور اے این ای کے مذموم ڈیزائن کا مقابلہ کرنے کی حکمت عملی کے بارے میں بھی آگاہ کیا۔اجلاس میں امیت گپتا ایس ایس پی ریاسی، ایس پی کٹرا وپن چندرن – جے کے پی ایس، ایس ڈی پی او ارناس پرتھپال سنگھ-جے کے پی ایس ڈپٹی ایس پی ہیڈکوارٹرریاسی، نیرج پڈیار ڈپٹی ایس پی بھون، بھشم دوبے جے کے پی ایس اور ایس آرپی او ہمانشو گپتا نے شرکت کی۔
