ڈاکٹر اجے کمار سنگھ کو متفقہ طور پر صدر منتخب کیا گیا
لازوال ڈیسک
بلاور؍؍ سنٹرل یونیورسٹی جموں میں 10 اگست 2023 کو اکھل بھارتیہ راشٹریہ شیشک مہاسنگھ (ABRSM) یونٹ کی ایک میٹنگ یونیورسٹی کے احاطے میں منعقد ہوئی۔ اس ملاقات میں تعلیم اور اساتذہ سے متعلق اہم موضوعات پر تفصیلی تبادلہ خیال کیا گیا۔ میٹنگ میں موجودہ صدر کی طرف سے ایک نئی ایگزیکٹو کمیٹی بنانے کی تجویز پیش کی گئی جسے تمام ممبران نے متفقہ طور پر قبول کر لیا اور آخر میں ڈاکٹر اجے کمار سنگھ کو متفقہ طور پر صدر اور ڈاکٹر وشال پٹھانیا کو جنرل سیکرٹری منتخب کیا گیا۔اس موقع پر دیگر عہدیداران کو بھی منتخب کیا گیا۔وہیںنومنتخب صدر ڈاکٹر اجے کمار سنگھ نے کہا کہ اے بی آر ایس ایم کا مقصد طلبہ، اساتذہ اور انتظامیہ کے درمیان ہم آہنگی قائم کرکے یونیورسٹی کو نئی بلندیوں پر لے جانا ہے، تاکہ یونیورسٹی کا نام نہ صرف صوبے میں بلکہ دنیا بھر میں مشہور ہو۔ اس اجلاس میں تمام ممبران کی جانب سے تشکیل نو کی گئی ایگزیکٹو کو مبارکباد دی گئی اور یونیورسٹی کے اساتذہ کی بنیادی ضروریات اور احترام کو مدنظر رکھتے ہوئے نئے ریسرچ پلان کے لیے تجاویز پیش کی گئیں۔
