ایگزٹ پول :اسمبلی انتخابات میں مودی کے لیے سخت مقابلے کی پیش گوئی

چھتیس گڑھ اورتلنگانہ میں کانگریس آگے،راجستھان میں بی جے پی اور مدھیہ پردیش میں سخت مقابلہ

یواین آئی

نئی دہلی؍پانچ ریاستوں کے اسمبلی انتخابات کے ایگزٹ پول میں کانگریس کو چھتیس گڑھ میں واضح اکثریت مل رہی ہے، بھارتیہ جنتا پارٹی کو راجستھان میں اور کانگریس کو تلنگانہ میں برتری مل رہی ہے، لیکن مدھیہ پردیش میں بھارتیہ جنتا پارٹی اور کانگریس کے درمیان سخت مقابلہ بتایا جا رہا ہے۔یہ ایگزٹ پول پانچ ریاستوں میں اسمبلی انتخابات کے آخری مرحلے میں جمعرات کو تلنگانہ میں ووٹنگ ختم ہونے کے بعد کرائے گئے ہیں۔چھتیس گڑھ میں روزنامہ بھاسکر نے پیش گوئی کی ہے کہ کانگریس کو 46 سے 55 سیٹیں، بی جے پی کو 35 سے 45 اور دیگر کو 0 سے 10 سیٹیں ملیں گی۔ انڈیا ٹی وی-سی این ایکس نے یہ بھی کہا ہے کہ کانگریس کو 46 سے 56 سیٹیں ملیں گی، بی جے پی کو 30 سے 40 سیٹیں اور دیگر کو 3 سے 5 سیٹیں ملیں گی۔ نیوز 24 اور ٹوڈے چانکیا نے کہا ہے کہ کانگریس کو 57 سیٹیں ملیں گی، بی جے پی کو 33 سیٹیں ملیں گی اور دوسروں کو ایک بھی سیٹ نہیں ملے گی۔ ٹی وی 9 بھارت ورش اور پول اسٹریٹ نے کانگریس کو 40 سے 50 سیٹیں، بی جے پی کو 35 سے 45 اور دیگر کو تین سیٹیں جیتنے کی پیش گوئی کی ہے۔ راجستھان میں روزنامہ بھاسکر نے کہا ہے کہ بی جے پی کو 98 سے 105 سیٹیں ملیں گی، کانگریس کو 85 سے 95 سیٹیں اور دیگر کو 10 سے 15 سیٹیں ملیں گی۔ انڈیا ٹوڈے اور ایکسس مائی انڈیا نے بی جے پی کے لیے 80 سے 100 سیٹیں، کانگریس کو 86 سے 106 سیٹیں اور دیگر کے لیے 9 سے 18 سیٹوں کی پیش گوئی کی ہے۔ ٹی وی 9 بھارت ورش اور پول اسٹارٹ نے تخمینہ لگایا ہے کہ بی جے پی کو 100 سے 110 سیٹیں، کانگریس کو 90 سے 100 سیٹیں اور دیگر کو 5 سے 15 سیٹیں مل سکتی ہیں۔تلنگانہ میں انڈیا ٹی وی-سی این ایکس نے پیش گوئی کی ہے کہ کانگریس کو 63 سے 39 سیٹیں ملیں گی، بی آر ایس کو 31 سے 47 سیٹیں ملیں گی، بی جے پی اتحاد کو 2 سے 4 اور اے آئی ایم ایم کو 5 سے 7 سیٹیں ملیں گی۔ ریپبلک ٹی وی-میٹریج نے کانگریس کو 58 سے 68 سیٹیں، بی آر ایس کو 46 سے 56 سیٹیں، بی جے پی اتحاد کو 4 سے 9 سیٹیں اور اے آئی ایم ایم کو 5 سے 7 سیٹیں ملنے کی پیش گوئی کی ہے۔ ٹی وی 9 بھارت ورش-پول اسٹارٹ نے کہا ہے کہ کانگریس کو 49 سے 59 سیٹیں ملیں گی، بی آر ایس کو 48 سے 58 سیٹیں ملیں گی، بی جے پی اتحاد کو 5 سے 10 اور اے آئی ایم ایم کو 6 سے 8 سیٹیں ملیں گی۔مدھیہ پردیش میں روزنامہ بھاسکر نے پیش گوئی کی ہے کہ کانگریس کو 105 سے 120 سیٹیں ملیں گی، بی جے پی کو 95 سے 115 سیٹیں اور دیگر کو 0 سے 15 سیٹیں ملیں گی۔ نیوز 24 – ٹوڈے چانکیا نے کہا ہے کہ کانگریس کو 74 سیٹیں ملیں گی، بی جے پی کو 151 سیٹیں اور دیگر کو پانچ سیٹیں ملیں گی۔ ریپبلک ٹی وی-میٹریج نے پیش قیاسی کی ہے کہ کانگریس کو 97 سے 107 سیٹیں ملیں گی، بی جے پی کو 118 سے 130 سیٹیں اور دیگر کو 0 سے 2 سیٹیں ملیں گی۔ ٹی وی 9 بھارت ورش-پول اسٹارٹ نے کہا ہے کہ کانگریس کو 111 سے 121 سیٹیں ملیں گی، بی جے پی کو 106 سے 116 سیٹیں اور دیگر کو 0 سے 6 سیٹیں ملیں گی۔ایگزٹ پول کے نتائج نے میزورم میں ایم این ایف اور زیڈ این پی کے درمیان سخت مقابلہ بھی دکھایا ہے۔