نہیں تھم رہے چوٹی کٹنے کے واقعات،صوبہ جموں پہ خوفناک ڈرکاسایہ
کرن دیپ سنگھ؍؍ونے شرما
- ریاسی؍؍کافی عرصے سے جموں صوبے میں چوٹی کاٹنے کے واقعات رونماہورہے ہیںلیکن ریاسی میں پیر کو مختلف تین جگہ پر چوٹی کٹنے کے واقعات سامنے آئے ہیں۔ایک واقعہ ریاسی کے جیوتیپورم علاقے ہے، واقعہ کے بعد علاقے میں دہشت کا ماحول بنا ہوا ہے۔ متاثرہ کی شناخت انو رادھا عمر32 سال زوجہ راکیش کمار ساکنہ جیوتیپورم کے طورپرہوئی ہے۔اس کی دو بار چوٹی کٹ گئی، اسی متاثرہ خاتون کی گذشتہ اتوار کی صبح کو بھی چوٹی کٹی تھی اور دوسری واردات میںریاسی کے تحت پڑنے والے نئے بستی علاقے میں بھی ایک واقعہ پیش آیااور تیسراواقعہ گراں موڑ علاقے میں پیش آیاہے۔اس صورت میں چوٹی کافی نیچے سے کٹی ہے۔وہیں چوٹی کٹنے کی خبر سن کر پولیس کا سلسلہ موقع پر پہنچا۔جنہوں نے موقع کا جائزہ لیا۔ اس ضمن میں جیوتپرم پولیس کے تھانہ انچارج وید پرکاش نے کہا کہ مقدمہ درج کر لیا ہے، اور آگے کی کارروائی کی جا رہی ہے۔ شہر کے ساتھ لگتے دندیال علاقے میں بھی ایک 15 سالہ لڑکی کی چوٹی کٹنے کا معاملہ سامنے آیا ہے۔۔جا نکار ی کے مطابق دندیال علاقے کی رہنے والی کانتا دیوی دختر رتن لال رہائشی د ندیال ادھمپور کی گھر میں چوٹی کٹنے کا واقعہ پیش آیا ۔ جبکجہ لڑکی اس حالت میں کچھ وقت کے لئے بیہوش ہو گئی وہیں جیسے ہی اس کی اطلاع اس کے اہل خانہ کو ملی تو وہ لڑکی کو بیہوشی کی حالت میں ڈسٹرکٹ ہسپتال میں لائے یہاں اسے کچھ دیر بعد ہوش آیا اور اس لڑکی نے آپ بیتی سنائی واقعہ کی معلومات جیسے ہی علاقے میں پھیلی تو شہر میں گھبراہٹ کا ماحول بن گیا اور لوگ اس واقعے سے سہم گئے ۔
-
