انعام حاصل کرنے والے کیڈٹس کو مبارک باد پیش کرتے ہوئے نیک خواہشات کا اظہار کیا
لازوال ڈیسک
جموں؍؍این سی سی جموں گروپ کے گروپ کمانڈر بریگیڈیئر پی ایس چیمہ نے ڈی جی این سی سی کی جانب سے کیڈٹ ویلفیئر سوسائٹی کی پالیسی کے تحت ڈی پی ایس راجباغ کٹھوعہ کے کیڈٹس پراتک شرما، ابھینئے شرما اور پون شرما کو 6000 روپے کے چیک کے ساتھ این سی سی کیڈٹس کو مبارکباد دی۔وہیں جی ڈی سی ویمن کٹھوعہ کی کیڈٹ مسکان ٹھاکر کو بہترین کیڈٹ کے انعام کے طور پر 3500 روپے کا انعقام دیا گیا ۔وہیںبات چیت کے دوران کیڈٹس نے کھل کر اپنی خواہشات کا اظہار کیا کہ وہ اپنی زندگی میں کیا بننا چاہتے ہیں۔
اس موقع پر جونیئر کیڈٹ رودر شرمانے آرمی ڈاکٹر بننے کی خواہشکی اور کیڈٹ پراتک شرما اور کیڈٹ ابھینئے شرما نے فوج میں بطور افسر شامل ہونے کی خواہش ظاہر کی۔دریں اثناء بہترین کیڈٹ کا انعام حاصل کرنے والی کیڈٹ مسکان ٹھاکر نے پسماندہ بچوں پر تحقیق کرنے کے لیے خود کو ایک سیاست دان کے ساتھ انڈر اسٹڈی کے طور پر درج کرایا ہے اور وہ ان تبدیلیوں کو متاثر کرنے کے لیے انڈین ایڈمنسٹریٹو سروسز (آئی اے ایس) میں بطور پالیسی میکر داخل ہونا چاہتی ہیں۔
واضح رہے ایڈیشنل ڈائریکٹر جنرل میجر جنرل راجیش کمار سچدیوا کے ماتحت جموں کشمیر اور لداخ ڈائریکٹوریٹ میں این سی سی کیڈٹس کی مثبت مصروفیت اور ان کی حوصلہ افزائی کے ذریعے نوجوانوں کی امنگوں کو پورا کرنے کے لیے پرعزم ہے۔ وہیںگروپ کمانڈر، این سی سی گروپ جموں نے کیڈٹس کو مبارکباد دی اور ڈی پی ایس راجباغ کٹھوعہ کے انسٹی ٹیوٹ کے سربراہ وویک اروڑہ اور اے این او کی تعریف کی۔
