لازوال ڈیسک
جموں؍؍ایم ڈی کے فاؤنڈیشن نے تحصیل مرہ میں گجر بستی راج پورہ منڈی میں ایوننگ اسٹڈی سینٹر (قبائلی) شروع کیا۔اسٹڈی سنٹر کا افتتاح میڈم وقار چودھری، بی جے پی کے ریاستی نائب صدر (ایس ٹی مورچہ) نے چودھری محمد فاروق اور گجر بستی کے مقامی لوگکی موجودگی میں کیا۔ مرکز غریب قبائلی بچوں کو پڑھائے گا اور انہیں منشیات کی لت جیسی غلط سرگرمیوں سے دور رہنے کی ترغیب دے گا۔اس موقع پر وقار چودھری نے کہا کہ تعلیم ہر کمیونٹی کی ترقی کی بنیاد ہے۔
انہوں نے فاؤنڈیشن کے کام کی بھی تعریف کی اور کہا کہ اسٹڈی سینٹر قبائلیوں کے بچوں پر سخت محنت کرے گا تاکہ وہ دوسرے بچوں کا مقابلہ کرسکیں۔بی جے پی لیڈر نے کہا کہ اس وقت مرکز میں پی ایم مودی کی قیادت والی حکومت نے قبائلیوں کی فلاح و بہبود کے لیے بہت سی اسکیمیں شروع کی ہیں۔’’یہ قبائلی برادریوں کے تمام پڑھے لکھے اور خوشحال افراد کا فرض ہے کہ وہ کمیونٹی کے دیگر افراد کو قبائلیوں کے لیے فلاحی اسکیموں کے بارے میں آگاہ کریں تاکہ سب کو فوائد ملیں اور ان کی زندگیوں میں اضافہ ہو،‘‘انہوں نے مزیدکہا۔آخر میں سیکرٹری ایم ڈی کے فاؤنڈیشن مشتاق احمد قادری نے تمام شرکاء کا شکریہ ادا کیا۔
