لازوال ڈیسک
جموںْْ// موٹر وہیکل ڈیپارٹمنٹ جموں نے جاری قومی روڈ سیفٹی ماہ کے ایک حصے کے طور پر، آر ٹی او پنکج بھگوترا کی ہدایت پر، فیئر ڈیل کے عملے اور صارفین کے درمیان روڈ سیفٹی کے بارے میں بیداری اور ذمہ دارانہ ڈرائیونگ کی عادات کو فروغ دینے کے لیے ایک بیداری پروگرام کا انعقاد کیا۔وہیںپروگرام کا باقاعدہ آغاز فیئرڈیل موٹرز کے منیجنگ ڈائریکٹر اور ایم وی ڈی کے افسران نے کیا۔ فیئر ڈیل کے نمائندوں نے شرکاء کا خیرمقدم کیا اور سڑک کی حفاظت کے لیے مشترکہ کوششوں کی اہمیت پر زور دیا۔اس موقع پر اے آر ٹی او ہیڈ کوارٹر ریحانہ تبسم نے اجتماع سے خطاب کرتے ہوئے روڈ سیفٹی سے متعلق آگاہی پروگرام پر زور دیا جس سے سڑک کے مہلک حادثات کو مؤثر طریقے سے کم کیا جا سکتا ہے۔ انہوں نے ڈیلرز پر مزید زور دیا کہ وہ گاڑی فروخت کرنے سے پہلے خریداروں کو روڈ سیفٹی کے قوانین کے بارے میں آگاہ کریں۔اس سے قبل، شرکاء کو ترجیح دینے اور محفوظ طریقے سے مشق کرنے کا عہد بھی کرایا گیا۔
