لازوال ڈیسک
جموں؍؍مولانا آزاد میموریل کالج کے جموں کی این ایس ایس یونٹ نے پرنسپل مولانا آزاد میموریل کالج کی سرپرستی میں ہاکھو اسٹریٹ اینیملز فاؤنڈیشن ٹرسٹ کے تعاون سے ’جانوروں کے تحفظ‘ کے موضوع پر ایک لیکچر کا اہتمام کیا۔وہیں ہاکھو اسٹریٹ اینیمل فاؤنڈیشن ٹرسٹ کی بانی نمرتا ہاکھو کی طرف سے دل کو چھو لینے والا لیکچر دیا گیا۔واضح رہے مذکورہ فائونڈیشن جموں اور کشمیر اور ملحقہ علاقوں میں 1993 سے گلیوں کے جانوروں کی دیکھ بھال کر رہی ہے۔وہیں پروگرام میں ڈاکٹر سیما جموال ایچ او ڈی (سیاسیات) اور پروفیسر لوکیشا ڈبگوترا این ایس ایس پی او نے شرکت کی۔ اس پروگرام میں شعبہ ریاضی کے ڈاکٹر راجیش گپتا اور انیت کورنے بھی شرکت کی۔
