پارٹی ہائی کمان کے فیصلے کے مطابق اسمبلی الیکشن لڑوں گا: رفیق ملک
لازوال ڈیسک
جموں//رفیق ملک جے اینڈ کے یو ٹی کے صدر لوک جن شکتی پارٹی (رام ولاس) نے آج یہاںسپریم کورٹ کی ہدایات کے مطابق جموں و کشمیر اسمبلی انتخابات کے لیے انتخابی شیڈول کا اعلان کرنے پر الیکشن کمیشن آف انڈیا کی ستائش کی۔وہیں جموں میں پریس کانفرنس کے دوران میڈیا کے نمائندوں سے خطاب کرتے ہوئے انہوں نے انکشاف کیا کہ ایل جے پی (آر) این ڈی اے اتحاد کا حصہ ہے اور جموں و کشمیر یونٹ پارٹی کی ہائی کمان کے مطابق کام کرے گا۔ تاہم انہوں نے اسمبلی انتخابات میں حصہ لینے پر آمادگی ظاہر کرتے ہوئے کہا کہ اس سے پارٹی ہائی کمان کو آگاہ کیا جائے گا اور اگر پارٹی اس سلسلے میں کوئی فیصلہ کرتی ہے تو بہت جلد مختلف اسمبلی حلقوں کے امیدواروں کا اعلان کیا جائے گا۔
اس موقع پر موجود نمایاں افراد میں ورون بالی اسٹیٹ سینئر نائب صدر جے کے یو ٹی، آر پی سنگھ اسٹیٹ سینئر جنرل سکریٹری، شکیل احمد اسٹیٹ جنرل سکریٹری، ڈکی سنگھ اسٹیٹ کوآرڈینیٹر، وجے اننت اسٹیٹ جنرل سکریٹری، لیاقت علی چیف سپوکس پرسن کشمیر، دیویندر پال ریاستی شامل ہیں۔ اس موقع پر خطاب کرتے ہوئے ملک نے کہا کہ گزشتہ 10 سالوں سے عوام کو جن مشکلات کا سامنا ہے وہ اس الیکشن کے بعد ختم ہو جائیں گے۔ الیکشن کمیشن نے بھی انتخابی مدت کو تین ماہ سے کم کر کے اس وقت کا ایک تہائی کر کے مثبت تبدیلی کی ہے۔ ہم بہت خوش ہیں۔ یہ اتنا اہم نہیں ہے کہ حکومت کون بنائے گا، لیکن یہ اہم ہے کہ 10 سال بعد لوگوں کو اپنے لیڈروں اور نمائندوں کو منتخب کرنے کا موقع ملے۔
