ریجنل ڈائریکٹر،اگنو ڈاکٹر جئے پرکاش ورما نے بطور مہمان خصوصی شرکت کی
لازوال ڈیسک
جموں؍؍ایس پی ایم آرکالج آف کامرس کے آئی آئی سی سیل نے آئی کیو اے سی اور این ایس ایس یونٹ کے ساتھ مل کر انڈیا کے ٹیکیڈ ’چپس فار وکست بھارت‘ پروگرام کی لائیو سٹریمنگ کا اہتمام کیا، جس کا افتتاح وزیر اعظم نے کیا۔ اس موقع پر مہمان خصوصی ریجنل ڈائریکٹر،اگنو ڈاکٹر جئے پرکاش ورما تھے، جب کہ کالج کے پرنسپل پروفیسر (ڈاکٹر) راجندر سنگھ مہمان ذی وقار تھے۔ اس پروگرام کو کالج کے 100 سے زائد طلباء اور فیکلٹی ممبران نے دیکھا۔
اس موقع پر اظہار خیال کرتے ہوئے کالج کے پرنسپل پروفیسر (ڈاکٹر) راجندر سنگھ نے کہا کہ جدید دور تکنیکی ترقی کا دور ہے۔ انہوں نے طلباء کو اپنے کورسز کے ساتھ ساتھ تکنیکی مہارتیں سیکھنے کی ترغیب دی تاکہ وہ ڈیجیٹل دور میں مقابلہ کرنے کے قابل ہو سکیں اور ملک کی ترقی میں اپنا حصہ ڈال سکیں۔وہیںریجنل ڈائریکٹر،اگنو ڈاکٹر جئے پرکاش ورما نے اجتماع سے تبادلہ خیال کرتے ہوئے ڈیزائن، مینوفیکچرنگ اور ٹیکنالوجی کی ترقی میں سیمی کنڈکٹرز کی اہمیت پر روشنی ڈالی اور اس شعبے میں نوجوانوں کے لیے روزگار کے مواقع کو بڑھایا۔
