لازوال ویب ڈیسک
سری نگر،//جموں وکشمیر کے وزیر اعلیٰ عمر عبداللہ نےمنگل کے روز گذشتہ ہفتے انتقال کرنے والے رکن اسمبلی دویندر سنگھ رانا کو شاندار خراج عقیدت پیش کرتے ہوئے کہا کہ اگران کی صحت کے متعلق علم ہوتا تو میں ان کے ساتھ دوریاں ختم کرنے کی کوشش کرتا۔انہوں نے کہا: ’میں نے اپنی زندگی کا اہم وقت ان کے ساتھ گذارا ہے‘۔
https://en.wikipedia.org/wiki/Omar_Abdullah
وزیر اعلیٰ نے ان باتوں کا اظہار منگل کو جموں وکشمیر اسمبلی سیشن کے دوسرے دن گذشتہ دس برسوں کے دوران انتقال کرنے والے 57 قانون سازوں کے تعزیتی ریفرنس پر بولنے کے دوران کیا۔انہوں نے کہا: ’میں اپنے دوست کی صحت کے بارے میں نہیں جانتا تھا، مجھے سب سے زیادہ ان کی موت پر دکھ ہوا‘۔ان کا کہنا تھا: ’رانا صاحب میرے بہترین دوست تھے اور میں نے ان کے ساتھ اپنی زندگی کا اہم وقت گذارا ہے اگر مجھے ان کی صحت کے بارے میں معلوم ہوتا تو میں شاید دوریاں ختم کرنے کی کوشش کرتا‘۔
قابل ذکر ہے کہ بی جے پی کے سینئر لیڈر اور نگروٹہ نشست کے رکن اسمبلی دویندر سنگھ رانا یکم نومبر کو دلی کے ایک ہسپتال میں انتقال کر گئے۔بی جے پی میں شامل ہونے سے قبل جموں وکشمیر نیشنل کانفرنس سے وابستہ تھے اور انہیں
عمر عبداللہ کا قریبی ساتھی مانا جاتا تھا۔
