ممبئی،30اکتوبر(یواین آئی)مشہور اداکار اکشے کمار نے بہار کے سیلاب متاثرین کے لئے ایک کروڑ روپے کی مدد دی ہے ۔ اکشے بالی ووڈ کے ان منتخبہ اداکاروں میں سے ہیں جو ضرورت پڑنے پر ہمیشہ لوگوں کی مدد کے لئے اپنا ہاتھ بڑھاتے ہیں۔کچھ وقت پہلے انہوں نے آسام میں سیلاب متاثرین کی مدد کے لئے دو کروڑ روپے کی رقم بطور مدد دی تھی،اور اب انہوں نے سیلاب سے بے حال بہار کے لوگوں کی مدد کرنے کے لئے بھی کچھ ایسا ہی کیا ہے ۔اتنا ہی نہیں وہ چھٹ پوجا کے موقع پر سیلاب سے متاثر 25کنبوں کو چار-چار لاکھ روپے دیں گے ۔ اکشے کمار نے کہا کہ قدرتی آفات ہمیں یہ احساس دلاتی ہیں کہ ہم قدرت کے آگے کچھ بھی نہیں ہیں۔جس سے جو مدد ہو وہ کرنی چاہئے ۔جو لوگ اپنا سب کچھ گواں چکے ہیں ان کی مدد کرنے سے بڑا اور کچھ نہیں ہوسکتا۔اس مدد کے ذریعہ وہ لوگ اپنی زندگی دوبارہ شروع کرسکتے ہیں
