انتظامی کونسل نے این ڈی پی ایس ایکٹ کے تحت مقدمات کی سماعت کے لیے 5 خصوصی عدالتوں کی منظوری دی
لازوال ڈیسک
جموں// انتظامی کونسل (اے سی) جس کی یہاں لیفٹیننٹ گورنر منوج سنہا کی صدارت میں میٹنگ ہوئی، نے این ڈی پی ایس ایکٹ کے تحت جرائم کی سماعت کے لیے 5 خصوصی عدالتوں کے ساتھ ساتھ معاون عملہ اور انفراسٹرکچر کے ساتھ اننت ناگ، بارہمولہ، جموں، پلوامہ اور سری نگر میں خصوصی عدالتیں بنانے کی منظوری دی۔
وہیں راجیو رائے بھٹناگر، لیفٹیننٹ گورنر کے مشیر؛ اٹل ڈلو، چیف سکریٹری؛ مندیپ کمار بھنڈاری، لیفٹیننٹ گورنر کے پرنسپل سکریٹری نے میٹنگ میں شرکت کی۔
واضح رہے یہ تھانہ سنگھ بمقابلہ سنٹرل بیورو آف نارکوٹکس اور ہائی کورٹ جموں و کشمیر کے ارشد احمد الائی بمقابلہ جموں و کشمیر کے مقدمہ میں ہائی کورٹ کے احکامات کی تعمیل میں کیا گیا ہے۔
وہیں جموں و کشمیر ہائی کورٹ کے ججوں کی کمیٹی کی ایک قرارداد میں سفارش کی گئی ہے کہ کم از کم ان اضلاع میں خصوصی عدالتیں قائم کی جائیں جہاں این ڈی پی ایس کے مقدمات 500 سے زیادہ زیر التوا ہیں جسے چیف جسٹس نے بھی منظور کر لیا ہے۔ اس قدم سے یوٹی کے لیے 4.65 کروڑ روپے کے سالانہ مالیاتی اثرات مرتب ہوں گے۔
